इन्फो नेपाल — सञ्चारको सञ्जाल

हेटौँडामा मोबाइल खरिद तथा मर्मत बम्पर योजना सुरु

हेटौँडा | दशैं, तिहार र छठ पर्वलाई लक्षित गर्दै मोबाइल एसोसिएशन अफ नेपाल (म्यान) मकवानपुरले मोबाइल खरिद तथा मर्मतमा बम्पर उपहार योजना सुरु गरेको छ। बुधबार आयोजित कार्यक्रममा म्यान मकवानपुरका अध्यक्ष हरिप्रसाद न्यौपानेको अध्यक्षता र नेपाल मोबाइल व्यवसायी महासंघ बागमती प्रदेशका अध्यक्ष एसीस रिजालको प्रमुख आतिथ्यतामा योजनाको शुभारम्भ गरिएको हो।

कार्यक्रम संयोजक एवम् म्यान मकवानपुरका वरिष्ठ उपाध्यक्ष राजकुमार दाहालका अनुसार करिब २० हजार कुपन वितरण गर्ने तयारी छ। एक हजार रुपैयाँभन्दा बढीको मोबाइल वा सामग्री खरिद गर्ने ग्राहकलाई सहभागी व्यवसायीहरूबाट कुपन उपलब्ध गराइनेछ।

योजनाअन्तर्गत एक जनाले टिभिएस स्कुटर जित्ने अवसर पाउनेछन्। त्यसैगरी, लकी ड्र मार्फत दुई जनाले १८० लिटरको फ्रिज, तीन जनाले ३२ इञ्चको स्मार्ट टेलिभिजन, ४ सय जनाले इयरबड्स र पाँच हजार जनाले माई पावर कम्पनीको इयरफोन प्राप्त गर्नेछन्।

उपहार योजना भदौ ५ गतेदेखि पुस ५ गतेसम्म लागू हुने छ भने पुरस्कार वितरण पुस १७ गते हेटौंडामा आयोजना हुने विशेष सांगीतिक कार्यक्रममा गरिनेछ।

म्यान मकवानपुरका अध्यक्ष न्यौपानेका अनुसार यो योजना मकवानपुर मात्र नभई हेटौंडा, मनहरी, थाहा नगर र पूर्वी क्षेत्रका मोबाइल व्यवसायमा समेत लागू हुनेछ। गत वर्ष पनि कोष खडा गर्ने उद्देश्यसहित यस्तै बम्पर योजना सञ्चालन गरिएको थियो।

योजनाको मुख्य प्रायोजक साओमी ब्रान्ड रहेको छ। साथै, अन्य मोबाइल ब्रान्ड र हेटौंडाका मोबाइल व्यवसायीहरूको सहयोग रहेको आयोजकले जनाएको छ।

कार्यक्रममा म्यान मकवानपुरका पूर्व अध्यक्ष नवराज चौलागाई, नेपाल पत्रकार महासंघ मकवानपुरका अध्यक्ष बालकृष्ण अधिकारी, म्यान मनहरी क्षेत्र अध्यक्ष हीमशिखर ब्लोन, पूर्व अध्यक्ष दिनेश लामा, महासंघ प्रदेश महासचिव विज्ञान घिमिरेलगायतको उपस्थित थियो।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क