इन्फो नेपाल — सञ्चारको सञ्जाल

हेटौंडा उपमहानगरको अढाई वर्षे समीक्षाबाट दश बुँदे घोषणा

हेटौंडा  | हेटौंडा उपमहानगरपालिकाले अढाई वर्षे कार्यकालको समीक्षा गर्दै दश बुँदे घोषणा पत्र जारी गरेको छ। नगरका जनप्रतिनिधिहरूको सहभागितामा दुई दिनसम्म सौराहामा सम्पन्न छलफलले विगतका उपलब्धिहरूको समीक्षा गर्दै आगामी दिनका प्राथमिकताहरू तय गरेको हो।

छलफलमा गएका आर्थिक वर्षहरूको प्रगति विवरण, चालु आर्थिक वर्षका कार्यहरू, र आगामी आर्थिक वर्षको कार्यादेशका विषयमा व्यापक छलफल गरिएको थियो।

छलफलका क्रममा प्रदेश सरकारसँग लागत सहभागितामा निर्माणाधीन हेटौंडा–११, थानाभर्याङस्थित फलफूल तथा तरकारी थोक बजारमा मन्त्रालय स्थापना गरिनुले त्यस संरचनाको मूल उद्देश्यलाई प्रभावित पारेको भन्दै तत्काल निर्माण सम्पन्न गरी थोक बजारका रूपमा सञ्चालन गर्नुपर्ने निश्कर्ष निकालिएको छ। त्यस्तै, पूर्व–पश्चिम राजमार्गअन्तर्गत हेटौंडा बजार खण्डको सडक विस्तार, विद्यार्थी संख्या न्यून रहेका विद्यालयलाई नजिकका विद्यालयमा गाभ्ने, र भुटनदेवी माध्यमिक विद्यालय र आधुनिक राष्ट्रिय माध्यमिक विद्यालयलाई समायोजन गरी ठूलो विद्यालयका रूपमा विकास गर्ने निर्णय गरिएको छ।

छलफलले अति विपन्न थामी र चेपाङ समुदायका परिवारहरूका लागि निशुल्क स्वास्थ्य बीमाको व्यवस्था गर्ने, गुणस्तरीय पूर्वाधार निर्माणको प्राथमिकता दिने, र हेटौंडा उपमहानगरभित्रका प्रमुख विद्युतीय लाइनलाई भूमिगत गर्ने निर्णयसमेत गरेको छ। प्रदेश सरकारका योजना कार्यान्वयनमा एकद्वार प्रणाली अभावले देखिएका समस्याबारे जनप्रतिनिधिहरूले चासो व्यक्त गरेका थिए।

नगरका उपलब्धिहरू र योजनाबारे प्रमुख प्रशासकीय अधिकृत सूर्यप्रसाद गौतमले प्रस्तुत गरे। छलफलको निष्कर्ष अनुसार महिलामैत्री सहर निर्माण, राजमार्गको २५ मिटर विस्तार, र स्थानीय कृषकहरूको उत्पादन बजारीकरणका लागि थोक बजार सञ्चालन गर्ने विषयहरू पनि प्राथमिकतामा राखिएका छन्।

नगर प्रमुख मीनाकुमारी लामाको अध्यक्षतामा र उपप्रमुख राजेश बानियाँको आतिथ्यतामा सम्पन्न छलफलबाट दश बुँदे घोषणा पत्र जारी गर्दै नगरका भावी योजनालाई थप व्यवस्थित बनाउने निर्णय गरिएको प्रवक्ता सबिन न्यौपानेले जानकारी दिए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क