इन्फो नेपाल — सञ्चारको सञ्जाल

१२ वर्षपछि टी–२० विश्वकपमा नेपालको ऐतिहासिक जित

मुम्बई । आईसीसी टी–२० विश्वकप २०२६ अन्तर्गत नेपालले स्कटल्यान्डलाई ७ विकेटले पराजित गर्दै १२ वर्षपछि विश्वकपमा पहिलो जित हात पारेको छ । मुम्बईस्थित वानखेडे स्टेडियममा भएको समूह चरणको अन्तिम खेलमा नेपालले १७१ रनको लक्ष्य १९.२ ओभरमै ३ विकेट गुमाएर पूरा गरेको हो ।

नेपालको जितमा उपकप्तान दीपेन्द्र सिंह ऐरीले आक्रामक अर्धशतक प्रहार गर्दै ‘फिनिसर’ को भूमिका निर्वाह गरे । कुशल भुर्तेल र आसिफ शेखले पावर प्लेमै सानदार सुरुवात दिलाए । बलिङतर्फ सोमपाल कामी र नन्दन यादवको प्रभावकारी प्रदर्शनले स्कटल्यान्डलाई प्रतिस्पर्धात्मक स्कोरमा सीमित गरेको थियो ।

कुशल–आसिफको सुरुवात, दीपेन्द्रको फिनिस

१७१ रनको लक्ष्य पछ्याएको नेपालले ओपनरद्वय कुशल भुर्तेल र आसिफ शेखको ५६ रनको पावर प्ले साझेदारीमार्फत बलियो सुरुवात गर्‍यो । पहिलो विकेटका लागि उनीहरूले ९.१ ओभरमा ७४ रन जोडे । कुशल ४३ रनमा आउट हुँदा नेपाल ७४ रनमा पहिलो विकेट गुमाएको थियो । आसिफले २७ बलमा ३३ रन जोडे ।

कप्तान रोहित पौडेल (१६) आउट भएपछि नेपाल केही दबाबमा देखिए पनि उपकप्तान दीपेन्द्र सिंह ऐरी र गुल्सन झाले इनिङ्स सम्हाले । दीपेन्द्रले आक्रामक ब्याटिङ गर्दै महत्वपूर्ण अर्धशतक पूरा गरे । उनले २३ बलमा ४ चौका र ३ छक्का प्रहार गर्दै नेपाललाई जिततर्फ डोर्‍याए । गुल्सन झाले अविजित २४ रन जोडे ।

स्कटल्यान्डको १७० रन

टस जितेर बलिङ रोजेको नेपालविरुद्ध स्कटल्यान्डले निर्धारित २० ओभरमा ७ विकेट गुमाएर १७० रन बनाएको थियो । ओपनर माइकल जोन्सले ७१ रनको अर्धशतकीय इनिङ्स खेले । जर्ज मुन्सेले २७ र ब्रान्डन म्याकमुलेनले २५ रन जोडे ।

पहिलो १० ओभरमा ८० रन जोडेको स्कटल्यान्डलाई डेथ ओभरमा नेपाली बलरले दबाबमा राखे । सोमपाल कामीले एकै ओभरमा दुई विकेट लिँदै लय तोडे । उनले ४ ओभरमा २५ रन खर्चेर ३ विकेट लिए । नन्दन यादवले २ विकेट लिए भने रोहित पौडेल र कुशल भुर्तेलले १–१ विकेट झारे ।

यस पटक सुपर एट पुग्ने लक्ष्य राखेको नेपाल इंग्ल्यान्ड, इटली र वेस्ट इन्डिजसँग पराजित भएपछि समूह चरणबाटै बाहिरिएको थियो । तर अन्तिम खेलमा स्कटल्यान्डविरुद्ध जित निकाल्दै नेपालले आफ्नो विश्वकप यात्रा सकारात्मक रूपमा समाप्त गरेको छ । सन् २०१४ पछि टी–२० विश्वकपमा नेपालको यो पहिलो जित हो ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क