इन्फो नेपाल — सञ्चारको सञ्जाल

आज देशभर हल्कादेखि भारी वर्षाको सम्भावना, हिमाली क्षेत्रमा हिमपातको पनि चेतावनी

काठमाडौं | जल तथा मौसम विज्ञान विभागको मौसम पूर्वानुमान महाशाखाले मंगलबार देशका धेरैजसो भागमा हल्कादेखि भारी वर्षा र उच्च पहाडी क्षेत्रमा हिमपातको सम्भावना रहेको जनाएको छ।

मंगलबार बिहान ६ बजे जारी बुलेटिनअनुसार, आज दिनभरि सबै प्रदेशका पहाडी भूभागका केही स्थान र अन्य ठाउँका थोरै स्थानमा मेघगर्जन र चट्याङसहित हल्कादेखि मध्यम वर्षा हुन सक्छ। कोसी, बागमती, गण्डकी र सुदूरपश्चिम प्रदेशका एक-दुई स्थानमा भने भारी वर्षाको सम्भावना छ।

आज रातमा पनि बागमती र गण्डकीसहितका पहाडी क्षेत्रका केही स्थानमा र अन्य भूभागमा थोरै स्थानमा हल्कादेखि मध्यम वर्षा हुनसक्ने महाशाखाले जनाएको छ। बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा भारी वर्षा र उच्च हिमाली क्षेत्रमा हिमपातको पनि चेतावनी जारी गरिएको छ।

मौसमविद्का अनुसार, २४ घण्टाभित्र १० मिलिमिटरभन्दा कम वर्षालाई हल्का, १०–५० मिलिमिटरलाई मध्यम, ५०–१०० मिलिमिटरलाई भारी, १००–२०० मिलिमिटरलाई धेरै भारी र २०० मिलिमिटरभन्दा माथि परेको खण्डमा अति भारी वर्षा मानिन्छ।

त्यस्तै, कुनै प्रदेशको १० प्रतिशतभन्दा कम क्षेत्रमा वर्षा हुने सम्भावना भए ‘एक-दुई स्थान’, १०–३० प्रतिशतसम्ममा ‘थोरै स्थान’, ३०–५० प्रतिशतसम्ममा ‘केही स्थान’, ५०–८० प्रतिशतसम्ममा ‘धेरै स्थान’ र ८० प्रतिशतभन्दा बढी क्षेत्रमा सम्भावना भए ‘अधिकांश स्थान’मा वर्षा हुने भनिन्छ।

महाशाखाले नदी र खोलाहरूमा पानीको बहाव बढ्नसक्ने भन्दै सतर्कता अपनाउन सबैलाई आग्रह गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क