जापान । जापानमा बुधबार कोरोना संक्रमणका कारण एकै दिन ४१५ जनाको मृत्यु भएको छ । कोभिडका कारण एकै दिनमा मृत्यु हुनेको यो सबैभन्दा धेरै संख्या हो ।
अघिल्लो दिन कोभिडका कारण २ सय ७१ जनाको मृत्यु भएको थियो । राजधानी टोकियोमा कोभिडका कारण २३ जनाको मृत्यु भएको महानगरीय सरकारले जनाएको छ ।
बुधबार देशभर २ लाख १६ हजार २०९ जनामा कोरोना भाइरसको संक्रमण पुष्टि भएको छ । यो अघिल्लो दिनको तुलनामा १३ हजार ३५६ बढी हो । राजधानी टोकियोमा आज २० हजार २४३ नयाँ संक्रमित थपिएका छन् ।
देशभर आईसीयू र भेन्टिलेटरमा उपचार आवश्यक पर्ने ५७७ बिरामी पनि छन् । यो मंगलबारको तुलनामा ५ कम हो । टोकियोमा पनि कोभिडका गम्भीर बिरामीको संख्या घटेर ४९ पुगेको छ ।
