हेटौँडा | अन्तर्राष्ट्रिय पञ्चाङ्ग निर्णायक समितिले यस वर्षको दशैंको टीकाको उत्तम साइत विभिन्न देशअनुसार तोकेको छ। नेपालका लागि नेपाल पञ्चाङ्ग निर्णायक विकास समितिले यसअघि नै असोज १६ गते बिहान ११:५३ बजे साइत उत्तम हुने जनाएको छ।
शनिबार अन्तर्राष्ट्रिय समितिले सार्वजनिक गरेको विवरणअनुसार भारतमा टीकाको उत्तम साइत ११:४९, अमेरिकाको न्युयोर्कमा ११:२५, अमेरिकाकै फ्र्यांकफर्ट (केन्टुकी) मा ११:५७, टेक्सासमा ११:३३, क्यालिफोर्नियामा ११:११, क्यानडाको टोरेन्टोमा ११:११ र अष्ट्रेलियाको सिड्नीमा ११:४३ बजे रहेको छ।
यस वर्षको दशैं असोज ६ गते घटस्थापनासँगै सुरु हुँदैछ। असोज ७ गते मंगलबार बिहान ९:५३ बजे कलशमा झण्डा फेर्ने साइत पर्छ। असोज ११ गते शनिबार श्री पचलीभैरव यात्रा निकालिने छ।
असोज १३ गते सोमबार फूलपाती भित्र्याइनेछ। सो दिन बिहान ७:१७ बजे श्री तुलजाभवानी यात्रा र बिहान ९:२३ बजे स्थिरासनको साइत तोकिएको छ।
