इन्फो नेपाल — सञ्चारको सञ्जाल

अविरल वर्षापछि तातोपानी नाका जोड्ने सडक ६ दिनदेखि अवरुद्ध

सिन्धुपाल्चोक। अविरल वर्षाका कारण परेको पहिरोले तातोपानी नाका जोड्ने अरनिको राजमार्ग ६ दिनदेखि पूर्ण रूपमा अवरुद्ध छ। भोटेकोशी–२ स्थित कोदारी बजार नजिक आइतबार राति खसेको पहिरोले सवारी आवागमन रोकिएको तातोपानी भन्सार कार्यालयका अधिकृत सूर्यप्रसाद काफ्लेले बताए।

उनका अनुसार, “गत साउन ७ गते बिहान ठूलो पहिरो खसेपछि सडक पूर्ण रूपमा खोल्न सकेका छैनौँ। ५ गतेसम्म आवागमन रोकिएको थियो, ६ गते केही सवारीसाधन नेपालतर्फ छिरे पनि ७ गते फेरि पहिरो खस्यो। ८ गते साँझ केहीबेर सडक खुलाइयो, तर फेरि पहिरो खसेपछि पुनः अवरुद्ध भएको छ।”

अहिलेसम्म करिब ३५ वटा कन्टेनर नेपालतर्फ, झण्डै ५०० कन्टेनर चीनतर्फ अड्किएका छन्। काफ्लेका अनुसार पहिरो हटाउने प्रयास जारी भए पनि अविरल वर्षाले पुनः सडक अवरुद्ध हुने जोखिम कायम छ।

सिन्धुपाल्चोकका प्रमुख जिल्ला अधिकारी वन्धुप्रसाद बास्तोलाले भने, “वर्षा कम भए भोलि बेलुकीसम्म सडक एकतर्फी सञ्चालनमा ल्याउने प्रयास हुनेछ। २५ दिनयता जम्मा तीन दिनमात्रै सडक खुल्न सफल भएको छ। सडक विभाग भूगर्भविद र पहिरोका विशेषज्ञ खटाएर अनुसन्धान गरिरहेको छ, १५ गतेदेखि पूर्ण सञ्चालनका लागि तयारी भइरहेको छ।”

यसैबीच, चीनको रसुवा–केरुङ नाका पनि असार २४ गते तिब्बतस्थित ल्हेन्दे खोलामा आएको बाढीपछि ठप्प छ। चीनतर्फ आवतजावतका लागि तातोपानी नै मुख्य नाका भएकाले पहिरो समयमा हटाउन नसके राजस्व सङ्कलनमा असर पर्ने बास्तोलाले बताए।

पूर्ववर्ती वि.सं. २०७२ को भूकम्पका कारण कोदारी क्षेत्रमा जमिन अस्थिर भएकाले सडक खुलाउने बित्तिकै पहिरो खस्ने समस्या दोहोरिँदै आएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क