इन्फो नेपाल — सञ्चारको सञ्जाल

आज मुख्यमन्त्री लामा राजीनामा दिने, बानियाँ बन्ने नयाँ मुख्यमन्त्री

हेटौँडा | बागमती प्रदेशका मुख्यमन्त्री बहादुरसिंह लामाले पदबाट राजीनामा दिने भएका छन्। साउन चौध गते भएको नेपाली कांग्रेस बागमती प्रदेश संसदीय दलको निर्वाचनमा इन्द्रबहादुर बानियाँसँग पराजित भएपछि दबाबमा परेका लामाले आइतबार बिहान हेटौँडामा आएर राजीनामा दिने निश्चित भएको हो।

शनिबार कांग्रेस सभापति शेरबहादुर देउवासँग बानियाँ र लामाले संयुक्त छलफल गरेका थिए। छलफलमा सहभागी संसदीय दलका उपनेता रामकृष्ण चित्रकारका अनुसार, तीन मन्त्रीलाई सपथ गराउने र लामा पक्षसँग सहमतिमा सरकार सञ्चालन गर्ने सहमति भएपछि लामा राजीनामा दिन तयार भएका हुन्।

लामाले यसअघि कांग्रेस प्रदेशसभाका प्रमुख सचेतक गोविन्द लम्साल, माया श्रेष्ठ र गीता गुरुङलाई मन्त्री नियुक्त गरेका थिए। उनीहरूको सपथ बुधबार नै तय भए पनि सत्ता साझेदार नेकपा एमालेको असहमति र प्रदेश प्रमुख दीपकप्रसाद देवकोटा आकस्मिक बिरामी भएपछि रोकिएको थियो।

प्रदेश प्रमुख देवकोटा आइतबार हेटौँडा फर्किए राजीनामा बुझाइने वा उनी नफर्के पनि कार्यालयमा दर्ता गरिने चित्रकारले जानकारी दिए।

लामाको राजीनामापछि बागमतीको नयाँ मुख्यमन्त्री नेपाली कांग्रेस संसदीय दलका नेता इन्द्रबहादुर बानियाँ हुने निश्चित भएको छ। एक वर्षअघि कांग्रेस–एमालेबीच भएको सहमतिअनुसार बानियाँले अब करिब आठ महिना मात्रै सरकार सञ्चालन गर्नेछन्। त्यसपछि आगामी फागुनमा एमालेले सरकारको नेतृत्व लिने सहमति रहेको एमालेले स्पष्ट पारेको छ।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क