इन्फो नेपाल — सञ्चारको सञ्जाल

नवरात्रको चौथो दिन आज कुष्माण्डा देवीको आराधना

काठमाडौं | आश्विन शुक्ल चतुर्थी अर्थात् नवरात्रको चौथो दिन आज नौ दुर्गामध्येकी चौथो कुष्माण्डा देवीको विशेष पूजाआराधना हुँदैछ । प्रत्येक वर्ष दुर्गा पक्षको यो दिन कुष्माण्डा देवीलाई निष्ठापूर्वक आराधना गर्ने परम्परा रहिआएको छ ।

आध्यात्मिक, आधिभौतिक र आधिदैविक तापलाई हराउने भएकै कारण देवीलाई कुष्माण्डा भनिएको हो । देवीले सुराले भरिएको घडा र रगतयुक्त पात्र धारण गरेको उल्लेख विभिन्न पुराणमा पाइन्छ । दुर्गा सप्तशती (चण्डी) मा पनि कुष्माण्डा देवीको स्वरुप र शक्तिको विशेष वर्णन गरिएको छ । विश्वास गरिन्छ, यिनको आराधनाले त्रिविध तापको नाश भई शक्ति, ऐश्वर्य र विद्या प्राप्त हुन्छ ।

नवरात्रको पहिलो दिन शैलपुत्री, दोस्रो दिन ब्रह्मचारिणी र तेस्रो दिन चन्द्रघण्टा देवीको आराधना गरिएको थियो । आज चौथो दिन कुष्माण्डा देवीको पूजाआराधना हुँदैछ । नौ दिनसम्म घटस्थापनास्थलमा दुर्गा सप्तशती, देवीभागवत र देवी स्तोत्र पाठ गरिन्छ भने विजयादशमीदेखि कोजाग्रत पूर्णिमासम्म पूजामा चढाइएका प्रसाद ग्रहण गर्ने चलन छ ।

देशभरका शक्तिपीठमा आज भक्तजनको भीड लागेको छ । काठमाडौं उपत्यकाका गुह्येश्वरी, जयवागेश्वरी, नक्साल भगवती, भद्रकाली, शोभाभगवतीलगायत मन्दिरमा बिहानैदेखि दर्शनार्थीको भीड देखिएको छ । उपत्यकाबाहिर मनकामना, पाल्चोक भगवती, पलाञ्चोक भगवती, बागलुङ कालिका, विन्ध्यवासिनी, तालबाराही, शैलेश्वरीलगायत शक्तिपीठमा पनि पूजाआराधनामा हजारौं भक्तजन सहभागी भइरहेका छन् ।

सम्बन्धित समाचार

उदाउँदो सूर्यलाई अर्घ्य दिएसँगै छठ पर्व समापन

मकवानपुर । छठ पर्वको मुख्य तथा अन्तिम दिन आज (सोमबार) बिहान उदाउँदो सूर्यलाई पूजाआराधना गरी विधिपूर्वक अर्घ्य दिएसँगै यस वर्षको छठ पर्व समापन भएको छ। हिजो (आइतबार) साँझ अस्ताउँदो स…

इन्फो डेस्क

हेटौँडाको राप्ती तटमा छठका श्रद्धालुको चहलपहल सुरु, २ सयभन्दा बढी सुरक्षाकर्मी परिचालन

हेटाैँडा । छठ पर्वको मुख्य दिन आज (आइतबार) साँझ अस्ताउँदो सूर्यलाई अर्घ्य दिन मकवानपुरको हेटौँडास्थित राप्ती नदी किनारमा भक्तजन तथा दर्शनार्थीको उपस्थिति सुरु भएको छ। हेटौँडा उपमहा…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

छठको मुख्य दिन आज अस्ताउँदो सूर्यलाई अर्घ्य दिइँदै

मकवानपुर । छठ पर्वको मुख्य दिन आज साँझ अस्ताउँदो सूर्यलाई पूजा आराधना गरी अर्घ्य दिइँदैछ । कात्तिक शुक्ल चतुर्थीदेखि सप्तमीसम्म सूर्यदेवको आराधना, उपासना र पूजा गरी मनाइने यो पर्व…

इन्फो डेस्क