इन्फो नेपाल — सञ्चारको सञ्जाल

काठमाडौं गुर्खाजले साबिक विजेता जनकपुर बोल्ट्सलाई ५ विकेटले पराजित

काठमाडौं । नेपाल प्रिमियर लिग सिजन २ को उद्घाटन खेलमा काठमाडौं गुर्खाजले साबिक विजेता जनकपुर बोल्ट्सलाई ५ विकेटले पराजित गरेको छ।

टस जितेर जवाफी ब्याटिङमा उत्रिएको काठमाडौंले जनकपुरले दिएको १३१ रनको लक्ष्य १८ ओभरमा ५ विकेट गुमाउँदै पूरा गर्यो। काठमाडौंले १३२ रन जोड्दै विजयी यात्रा सुरु गरेको हो।

काठमाडौंको जितमा बेन चार्ल्सवर्थ प्रमुख नायक बने, जसले २३ बलमा ५ चौका र ३ छक्का प्रहार गर्दै सर्वाधिक ४६ रन बनाए। उनका साथ ओपनर आकाश त्रिपाठीले ४५ बलमा ३९ रन बनाउँदै टोलीको लक्ष्य पूरा गर्न महत्त्वपूर्ण भूमिका खेले। दुई ओपनरले सुरुमा ७० रनको साझेदारी गरे, जसलाई जनकपुरका बलर सञ्जय कृष्णमूर्तिले पहिलो विकेटका रूपमा बेनलाई जन सिम्पसन मार्फत क्याच आउट गराएर तोडे।

दोस्रो विकेटका रूपमा भीम सार्की ३ रन बनाएर ललित राजवंशीले लाहिरु मिलन्था मार्फत क्याच आउट गरे। त्यसपछि क्रिजमा उत्रेका आकाश र मिलन्द कुमारले क्रमशः ३९ र १९ रन बनाए। जन सिम्पसनले ६ बलमा १३ रनको योगदान दिए।

अन्तिममा, गेरहार्ड इरास्मसले १ रन र मोहम्मद आदिल आलमले ८ रन जोड्दा काठमाडौंले लक्ष्य पुरा गर्दै जित सुनिश्चित गर्यो।

जनकपुरका बलरले उत्कृष्ट प्रदर्शन गर्न सकेनन्। किशोर महतो, अनिल शाह, ललित राजवंशी, जान निकोल लोफ्टी र सञ्जय कृष्णमूर्ति प्रत्येकले एक–एक विकेट लिए। विशेष रूपमा किशोर यादव ३ ओभरमा २८ रन खर्च गर्दै सर्वाधिक रन खर्चिने बलर बने भने, अनिल शाह र ललित राजवंशी समान २६–२६ रन खर्च गरे।

काठमाडौं गुर्खाजको बलियो ब्याटिङ र जनकपुरको कमजोर बलिङले पहिलो खेलमा निर्णायक फरक बनायो।

सम्बन्धित समाचार

एनपीएलको इलिमिनेटरमा आज चितवन र काठमाण्डौ खेल्दै

काठमाडाैँ । नेपाल प्रिमियर लिग (एनपीएल) क्रिकेटको इलिमिनेटर खेलमा आज चितवन राइनोज र काठमाण्डौ गोर्खाजबीच प्रतिस्पर्धा हुँदैछ। खेल बेलुका ५ बजे कीर्तिपुरस्थित त्रिवि क्रिकेट रङ्गशाल…

इन्फो डेस्क

बागमती प्रदेश खेलकुद विकास परिषद्मा अधिकांश खेल संघ दर्ता छैनन्, पटक–पटकको सूचना बेवास्ता

मकवानपुर । बागमती प्रदेश खेलकुद विकास परिषद्मा अधिकांश खेल संघसंस्थाले दर्ता, आबद्धता तथा नवीकरण प्रक्रिया पूरा गरेका छैनन्। पटक–पटक सूचना जारी गरे पनि संघहरूले बेवास्ता गरेपछि परि…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

एनपीएलको पहिलो क्वालिफायरमा आज लुम्बिनी र सुदूरपश्चिम खेल्दै

काठमाडाैँ । नेपाल प्रिमियर लिग (एनपीएल) क्रिकेटको पहिलो क्वालिफायरमा आज साविक उपाधि विजेता लुम्बिनी लायन्स र सुदूरपश्चिम रोयल्स खेल्दैछन् । यो खेल बेलुकी ५ बजे कीर्तिपुरको त्रिवि अ…

इन्फो डेस्क