हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ ।
मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रबारका दिन चलाउन प्रशासनले रोक लगाएको हो ।
जिल्ला प्रशासन कार्यालय मकवानपुरका अनुसार भीमफेदी गाउँपालिका–१, त्रिखण्डीमा त्रिखण्डेश्वर महादेव मन्दिर क्षेत्रमा हरिबोधिनी एकादशीका दिन मेला तथा जात्रा लाग्ने भएकाले हेटौंडा–कुलेखानी सडक बन्द गरिएको हो ।
यो सडक हुँदै काठमाण्डौ आउजाउ गर्ने सार्वजनिक गाडीलाई आज एक दिन कान्ति लोकपथ प्रयोग गर्न प्रशासनले आग्रह गरेको छ ।