इन्फो नेपाल — सञ्चारको सञ्जाल

किन रोपिन्छ घरमा तुलसी ? तुलसीको धार्मिक महत्व र नियम

औषधीय गुणले भरीपुर्ण तुलसीको बिरुवालाई सनातन हिन्दु धर्मालम्बीहरु भगवानको प्रतिकको रुपमा पूजा गर्दछन् । धार्मिक मान्यता अनुसार घरमा तुलसीको विरुवा हुनु अत्यन्त शुभ मानिन्छ । तुलसीको विरुवाको धार्मिक रूपमा मात्र नभई ज्योतिष र वास्तुशास्त्रमा पनि विशेष महत्व रहेको छ । वास्तु तथा ज्योतिषिय शास्त्र अनुसार घरमा तुलसीको विरुवा रोप्नु अत्यन्त लाभप्रद हुन्छ । तर तुलसीको विरुवाका विषयमा केही नियमलाई ध्यान दिनुपर्ने हुन्छ । हिन्दू धर्ममा हरेक धार्मिक कार्यमा तुलसीको उपयोग गरिन्छ । विशेषगरी भगवान विष्णुको पूजामा तुलसी आवश्यक मानिन्छ । भगवान विष्णुलाई तुलसी अति प्रिय मानिन्छ । तर भगवान विष्णुको पूजामा तामसिक चीजको बर्जित छ । तसर्थ पवित्र तुलसी रोपिएको स्थानमा भुलेर पनि मासांहारी वा मदिराजन्य पदार्थ राख्नु वा सेवन गर्नु धार्मिक दृष्टिमा राम्रो मानिदैन । यसका साथै तुलसीको माला धारण गर्नेहरुले कहिल्यै मासांहारी भोजन, मदिरा, नशालु पदार्थ वा तामसिक भोजन गर्नु हुदैँन । वास्तु अनुसार तुलसीको विरुवा रोपेमा नकारात्कता प्रभाव नष्ट हुन्छ । साथै घरमा सकारात्मक ऊर्जाको संञ्चार हुन्छ । वास्तु दोष कम गर्न तुलसी सक्षम मानिन्छ । वास्तु अनुसार तुलसीको विरुवा घरको पूर्वोत्तर वा उत्तर दिशामा रोप्नु पर्दछ । तर भुलेर पनि तुलसीको विरुवा दक्षिण दिशामा राख्नु हुदैँन । यो अशुभफलदायक हुने धार्मिक मान्यता छ । घरमा भएको तुलसीको विशेष ख्याल राख्नु पर्दछ । तुलसीमा नियमित पानी अर्पण गर्ने, साझँमा घिउको दियो बाल्ने गर्नु पर्दछ । दियो बाल्दा दियोको मुनी चामलको आसन लगाउनु पर्दछ । जुन घरमा नियमित बिहान बेलुका तुलसीको पूजा हुन्छ त्यस घरमा माता महालक्ष्मीको बास हुने धार्मिक मान्यता छ । साथै सो घरमा हमेशा सुख समृद्धिको वास हुने गर्दछ । तर आइतबारको दिनमा भने तुलसीमा पानी अर्पण गर्नु हुदैन । केही घरमा तुलसीलाई भुईको माटोमा रोपेको पाइन्छ तर तुलसीलाई सधै गमलामा नै रोपनु पर्दछ । अन्यथा अशुभ फल पाउने र घरका सदस्यको स्वास्थमा नकारात्मक असर पर्ने धार्मिक मान्यता छ । साथै केही तिथीहरुमा तुलसीको पात टिप्न वर्जित गरीएको छ । विशेषगरी आइतबार, सूर्य ग्रहण, चन्द्रग्रहण, एकादशी र सूर्यास्तपछि तुलसीको पात टिप्नु हुदैँन । यदि भुलवश टिपिहालेमा हात जोडेर तुलसीलाई प्रणाम गरी माफी माग्नु पर्दछ । यसका साथै बिना आवश्यकता कहिल्यै तुलसीको पात टिप्नु हुदैँन । तुलसीलाई ननुहाइ छुनु हुदैँन । साथै महिनावारी भएको बेलामा समेत महिलाहरुले तुलसीलाई छुनु हुदैँन । तुलसीको आसपासमा सधै सफाई हुनु पर्दछ । यदि तुलसी सूकेमा तुरुन्तै त्यस स्थानमा नयाँ बिरुवा रोप्नु पर्दछ । सूकेको तुलसीलाई जहाँ पायो त्यहि फ्याक्नु हुदैँन बरु संरक्षित गरी राख्नु पर्दछ वा नदीमा प्रवाहित गर्नु पर्दछ ।

सम्बन्धित समाचार

उदाउँदो सूर्यलाई अर्घ्य दिएसँगै छठ पर्व समापन

मकवानपुर । छठ पर्वको मुख्य तथा अन्तिम दिन आज (सोमबार) बिहान उदाउँदो सूर्यलाई पूजाआराधना गरी विधिपूर्वक अर्घ्य दिएसँगै यस वर्षको छठ पर्व समापन भएको छ। हिजो (आइतबार) साँझ अस्ताउँदो स…

इन्फो डेस्क

हेटौँडाको राप्ती तटमा छठका श्रद्धालुको चहलपहल सुरु, २ सयभन्दा बढी सुरक्षाकर्मी परिचालन

हेटाैँडा । छठ पर्वको मुख्य दिन आज (आइतबार) साँझ अस्ताउँदो सूर्यलाई अर्घ्य दिन मकवानपुरको हेटौँडास्थित राप्ती नदी किनारमा भक्तजन तथा दर्शनार्थीको उपस्थिति सुरु भएको छ। हेटौँडा उपमहा…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

छठको मुख्य दिन आज अस्ताउँदो सूर्यलाई अर्घ्य दिइँदै

मकवानपुर । छठ पर्वको मुख्य दिन आज साँझ अस्ताउँदो सूर्यलाई पूजा आराधना गरी अर्घ्य दिइँदैछ । कात्तिक शुक्ल चतुर्थीदेखि सप्तमीसम्म सूर्यदेवको आराधना, उपासना र पूजा गरी मनाइने यो पर्व…

इन्फो डेस्क