इन्फो नेपाल — सञ्चारको सञ्जाल

कृषि मन्त्री श्रेष्ठले सार्वजनिक गरे एक वर्षे उपलब्धि

हेटौँडा | बागमती प्रदेशका कृषि तथा पशुपन्छी विकास मन्त्री प्रकाश श्रेष्ठले आफ्नो एक वर्षे कार्यकालको उपलब्धि मंगलबार पत्रकार सम्मेलनमार्फत सार्वजनिक गरेका छन्।

मन्त्री श्रेष्ठले आर्थिक वर्ष २०८१/८२ को प्रतिवेदन प्रस्तुत गर्दै मन्त्रालयले २ अर्ब ५० करोड ६४ लाख रुपैयाँ बजेटमध्ये ६७.२९ प्रतिशत खर्च गरेको जानकारी दिए। उनका अनुसार गत वर्ष प्रदेश कृषि विकाससम्बन्धी विधेयक पारित भई कार्यान्वयन सहज भएको छ भने किसानमैत्री सेवा प्रवाहलाई प्राथमिकतामा राखी विभिन्न कार्यक्रम कार्यान्वयन गरिएको छ।

मन्त्रालयले ‘एक वडा एक उत्पादन’ कार्यक्रमअन्तर्गत ७० वडामा साझेदारी परियोजना सञ्चालन, ३३० किसानलाई प्राकृतिक विपद् राहत, १५ लाखभन्दा बढी भेडाबाख्रामा पिपिआर खोप अभियान, ७१ हजारभन्दा बढी गाईभैंसीमा लम्पी स्किन रोगविरुद्ध खोप, बायो–सेफ्टी लेभल–टु प्रयोगशाला स्थापनासहितका कार्यक्रम सम्पन्न गरेको छ।

यस्तै, हेटौँडामा दूध पाउडर प्लान्ट सञ्चालन तयारी, प्रादेशिक कृषि थोक बजार हस्तान्तरण, आधुनिक भेटेरिनरी अस्पताल निर्माण, २२ वटा ‘एक वडा एक पशु स्वास्थ्य क्लिनिक’, बीउ भण्डारण गृह, करिब एक हजार हेक्टर क्षेत्रमा बीउ उत्पादन, सहुलियतपूर्ण कर्जा वितरण, मल व्यवस्थापन र उद्यमशीलता प्रवर्द्धन जस्ता कामलाई अघि बढाइएको छ।

मन्त्री श्रेष्ठले आगामी आव २०८२/८३ का लागि २७ प्रमुख कार्यक्रम अघि सारेका छन्। तीमध्ये कर्जा सुरक्षण कोषमार्फत लगानी प्रवर्द्धन (१० करोड), सहुलियतपूर्ण कर्जा (५ करोड), स्मार्ट कृषि फार्म, आधुनिक बधशाला, एक जिल्ला एक विशेष कृषि तथा पशुपन्छी पकेट क्षेत्र, दूधमा प्रत्यक्ष अनुदान (२० करोड), संक्रामक रोग नियन्त्रण खोप अभियान (६.९९ करोड), सूचना प्रविधिमा आधारित कृषि बजार केन्द्र (९ करोड) लगायतका योजना प्राथमिकतामा छन्।

उनका अनुसार किसानलाई राहत, प्राङ्गारिक मल प्रयोग विस्तार, उद्यमशीलता प्रवर्द्धन, फूल खेती, संरक्षित तरकारी खेती, केरा खेती प्रोत्साहन र खाद्यान्नबाली प्रवर्द्धनलाई समेत यस वर्ष विशेष प्राथमिकता दिइनेछ।

‘मन्त्रालयको उद्देश्य किसानलाई राहत दिने, आत्मनिर्भरता बढाउने र उत्पादनलाई बजारसम्म जोड्ने हो,’ मन्त्री श्रेष्ठले पत्रकार सम्मेलनमा बताए। उनले आगामी वर्षका कार्यक्रमले प्रदेशमा कृषि आत्मनिर्भरता, कृषक उद्यमशीलता र निर्यात प्रवर्द्धनमा सहयोग गर्ने विश्वास व्यक्त गरे।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क