इन्फो नेपाल — सञ्चारको सञ्जाल

कृष्णभीरको अवरोधपछि कोगटे–ईपा–सिस्नेरी सडकतर्फ प्रदेशको ध्यान

हेटौँडा । धादिङको कृष्णभीरमा पृथ्वी राजमार्ग अवरुद्ध भएपछि बागमती प्रदेश सरकारले हेटौंडा–काठमाडौं जोड्ने अर्को वैकल्पिक सडक सञ्चालनमा ल्याउने तयारी गरेको छ ।

प्रदेश सरकारको प्राथमिकतामा परेको मार्ग भीमफेदी–कोगटे–ईपा–सिस्नेरी सडक हो । मुख्यमन्त्री किरण थापा मगरसहितको टोलीले बिहीबार सडकको अवस्था र तत्काल गर्नुपर्ने मर्मतबारे स्थलगत निरीक्षण गरेको छ ।

निरीक्षणमा भौतिक पूर्वाधार विकासमन्त्री भरतबहादुर केसी, मन्त्रालयका सचिव ईश्वरचन्द्र मरहट्ठा र भीमफेदी गाउँपालिका अध्यक्ष हिदम लामा सहभागी थिए ।

कृष्णभीरको अवरोधपछि हेटौंडा–काठमाडौंका सवारी भीमफेदी–कुलेखानीसहितका सीमित वैकल्पिक सडकमा केन्द्रित भएका छन् । साँघुरा मार्गमा चाप बढ्दा यात्रा लम्बिएको छ र सडक व्यवस्थापन कठिन बनेको छ ।

मुख्यमन्त्री थापाले कोगटे–ईपा–सिस्नेरी सडक तत्काल मर्मत गरी वैकल्पिक मार्गका रूपमा प्रयोगमा ल्याइने बताए । चालु आर्थिक वर्षमा सडकको मर्मत र स्तरोन्नतिका लागि बजेट विनियोजन भइसकेको उनले जानकारी दिए ।

यो सडक सञ्चालनमा आए मुख्य राजमार्ग बन्द हुँदा मकवानपुर हुँदै काठमाडौं जाने सवारीका लागि थप विकल्प खुल्नेछ । प्रदेश सरकारले तत्कालको यातायात समस्या कम गर्ने र दीर्घकालीन वैकल्पिक सम्पर्क मार्ग तयार गर्ने दुवै उद्देश्य राखेको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क