इन्फो नेपाल — सञ्चारको सञ्जाल

कैलालीमा बाढीको कहर: एक युवतीको मृत्यु, पुल बगाए, बस्ती डुबानमा

सुदूरपश्चिम | कैलालीमा अविरल वर्षाका कारण आएको बाढीले जनजीवन अस्तव्यस्त पारेको छ। गौरीगङ्गा नगरपालिका–११ स्थित कटेनी नदीमा काठेपुल तर्ने क्रममा २० वर्षीया सुस्मिता चौधरीको बाढीमा बगेर मृत्यु भएको छ । प्रहरीको विपद् उद्धार टोलीले घटनास्थलबाट १० मिटर तल उनको शव फेला पारेको थियो ।

प्रदेश आपत्कालीन सञ्चालन केन्द्रका अनुसार, घोडाघोडी नगरपालिकाको चुड्डीकाँडा नदी र डोडा नदीका काठेपुलहरू बगाएको छ, जसले गर्दा आवागमन अवरुद्ध भएको छ।

भजनी नगरपालिका र कैलारी गाउँपालिका क्षेत्रमा बाढी बस्तीमा पसेपछि १५ घरपरिवार विस्थापित भएका छन्। उनीहरू हाल नजिकैको अग्लो स्थानमा रहेका आफन्तको घरमा आश्रय लिएर बसेका छन्।

धनगढी उपमहानगरपालिकाको शिवनगर, वसन्त टोललगायत बस्तीहरू जलमग्न भएका छन्, र कतिपय घरहरूमा पानी पसेको छ। जिल्लाको दक्षिणी क्षेत्रको निम्न भूभागका बस्तीहरू विशेष प्रभावित भएका छन्।

अविरल वर्षाका कारण जिल्लाका मोहना, खुटिया, पथरैया, मुढा, गोरीगङ्गा, कान्द्रा, शिवगङ्गा र काँडा नदीहरूमा पानीको बहाव उल्लेख्य रूपमा बढेको छ।

सम्बन्धित समाचार

बझाङमा अटोरिक्सा दुर्घटना : एकै परिवारका ४ जनाले ज्यान गुमाए

बझाङ। बझाङको बुङ्गल नगरपालिका–१० टुमेडामा आज (सोमबार) बिहान भएको अटोरिक्सा दुर्घटनामा एकै परिवारका चार जनाको मृत्यु भएको छ। टुमेडा गाउँबाट बिथ्थडचिर गाउँपालिकाको बिथ्थड बजारतर्फ जा…

इन्फो डेस्क

बडीमालिकामा हिमपातमा फसेका एक पर्यटकको हेलिकप्टरमार्फत उद्धार, अर्का युवा अझै सम्पर्कविहीन

बाजुरा । बाजुराको बडीमालिका क्षेत्रमा भारी हिमपातपछि अलपत्र परेका दुईमध्ये एक पर्यटकको नेपाली सेनाको हेलिकप्टरमार्फत उद्धार गरिएको छ। ​अत्यधिक हिउँ परेपछि ४ हजार २ मिटर उचाइमा रहेक…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

बडीमालिकामा भारी हिमपात,दुई पर्यटक सम्पर्कविहीन

बजुरा । बाजुराको प्रसिद्ध धार्मिक तथा पर्यटकीय क्षेत्र बडीमालिका पुगेका कञ्चनपुरका दुई पर्यटक भारी हिमपातपछि सम्पर्कविहीन भएका छन्। बडीमालिका भगवतीको दर्शन र भ्रमणका लागि पुगेका कञ…

इन्फो डेस्क