इन्फो नेपाल — सञ्चारको सञ्जाल

चितवनमा जापानी इन्सेफ्लाइटिसका कारण पाँच जनाको मृत्यु

चितवन | चितवनमा जापानी इन्सेफ्लाइटिसको सङ्क्रमण बढ्दै जाँदा पाँच जनाले ज्यान गुमाएका छन् । जिल्ला जनस्वास्थ्य कार्यालय चितवनका अनुसार हालसम्म १६ जनामा सङ्क्रमण पुष्टि भएको छ । पछिल्लो पटक भदौ २३ गते राप्ती नगरपालिकाकी ४२ वर्षीया महिलाको मृत्यु भएको जनाइएको छ ।

यसअघि भरतपुर महानगरपालिका–२२ का ७० वर्षीय पुरुष, कालिका नगरपालिका–५ का ८९ वर्षीय पुरुष, राप्ती नगरपालिका–१२ की ७० वर्षीया महिला र भरतपुर महानगरपालिका–१२ की ८१ वर्षीया महिलाको मृत्यु भइसकेको छ । उनीहरूको साउनयता मृत्यु भएको हो । गत आर्थिक वर्षमा चितवनमा तीन जनामा सङ्क्रमण देखिएकोमा एक जनाको ज्यान गएको थियो ।

कार्यालयका प्रमुख दिनेश रुपाखेतीका अनुसार जापानी इन्सेफ्लाइटिस हाल भरतपुर महानगरपालिका, कालिका नगरपालिका, राप्ती नगरपालिका, खैरहनी नगरपालिका र माडी नगरपालिकाका बासिन्दामा देखिएको छ । यो रोग क्युलेक्स जातका पोथी लामखुट्टेको टोकाइबाट सर्ने कीटजन्य सरुवा रोग हो ।

रुपाखेतीका अनुसार यो लामखुट्टे प्रायः घरबाहिर बस्ने, साँझ र बिहान बढी सक्रिय हुने गर्छ । लामखुट्टेले सुँगुर, बङ्गुर, हाँसजस्ता पशुपक्षीलाई टोक्दा रोग फैलिने सम्भावना बढ्छ । धानखेतीमा यसले अण्डा पारेर लार्भा बनाउने भएकाले त्यस्ता क्षेत्र रोगको लागि संवेदनशील मानिन्छन् ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क