इन्फो नेपाल — सञ्चारको सञ्जाल

चितवनमा बोलेरोको ठक्करबाट स्कुटर सवार महिलाको मृत्यु

चितवन | चितवनको भरतपुरमा बोलेरो जिपको ठक्करबाट स्कुटर सवार एक महिलाको मृत्यु भएको छ। मृत्यु हुनेमा भरतपुर महानगरपालिका वडा नम्बर ६ इन्द्रपुरीकी ५२ वर्षीया लक्ष्मी वाग्ले रहेकी छन्।

जिल्ला प्रहरी कार्यालय चितवनका अनुसार दुर्घटना शुक्रबार दिउँसो करिब १:३० बजे भरतपुर महानगरपालिका–७ स्थित प्रेमबस्ती चोकमा भएको हो। गितानगरबाट अण्डा बोकेर भरतपुरतर्फ जाँदै गरेको ना ५ च २६४४ नम्बरको बोलेरो जिपले सोही दिशातर्फ गइरहेको ना ५४ प १७९५ नम्बरको स्कुटरलाई ठक्कर दिएको थियो।

ठक्करबाट गम्भीर घाइते भएकी वाग्लेलाई तत्काल उपचारका लागि भरतपुर अस्पताल लगिएको थियो। तर, अस्पतालमा चिकित्सकले उनलाई मृत घोषणा गरेको जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक रविन्द्र खनालले जानकारी दिए।

दुर्घटनामा संलग्न बोलेरो र स्कुटर दुवै प्रहरीको नियन्त्रणमा छन्। बोलेरो चलाएका मकवानपुरको मनहरी गाउँपालिका वडा नम्बर ६ निवासी २५ वर्षीय पेमा लामालाई पनि नियन्त्रणमा लिइएको छ। घटनाबारे थप अनुसन्धान भइरहेको प्रहरीले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क