इन्फो नेपाल — सञ्चारको सञ्जाल

चितवनमा स्कुल बस दुर्घटना: २८ जना घाइते, एकको अवस्था गम्भीर

चितवन | चितवनको उपरदाङगढीमा पिकनिक गएका विद्यार्थी बोकेको स्कुल बस शनिबार साँझ दुर्घटनामा परेको छ। कालिका नगरपालिका–४, पदमपुरस्थित चित्रवन माविको मधेश प्रदेश ०३–०११ क २६७७ नम्बरको बस कालिका नगरपालिका–९, द्रब्यटारमा दुर्घटनाग्रस्त भएको हो। बस ब्रेक फेल भएर सडकबाट तल खसेको जिल्ला प्रहरी कार्यालय चितवनले जनाएको छ।

दुर्घटनामा परेर चालकसहित २७ जना विद्यार्थी र एक शिक्षिका घाइते भएका छन्। प्रहरीका अनुसार बसमा ३० जना विद्यार्थी र दुई शिक्षकसहित ३२ जना सवार थिए। घाइतेमध्ये एक जनाको अवस्था गम्भीर रहेको र २२ जनाको चितवन मेडिकल कलेजमा तथा ६ जनाको पुरानो मेडिकल कलेजमा उपचार भइरहेको प्रहरी नायब उपरीक्षक ज्ञानकुमार महतोले जानकारी दिए।

पिकनिक सकेर फर्कने क्रममा ब्रेक फेल भएर दुर्घटना भएको प्रारम्भिक जानकारीमा उल्लेख गरिएको छ। घटनापछि स्थानीय बासिन्दा र प्रहरीको सहयोगमा घाइतेहरूको उद्धार गरी तुरुन्तै अस्पताल पुर्याइएको थियो।

यस घटनाले स्कुल बसको सुरक्षामा ध्यान दिनुपर्ने आवश्यकता फेरि एक पटक सतहमा ल्याएको छ। पुराना बसहरूको नियमित मर्मत र सुरक्षाका उपायहरू सुनिश्चित नगर्दा विद्यार्थीहरूको जीवन जोखिममा पर्ने गरेको विज्ञहरूले बताएका छन्।

दुर्घटनास्थल नजिकै उद्धारमा सहभागी एक स्थानीयले भने, "हामी तत्कालै घटनास्थलमा पुगेका थियौं। बालबालिकाहरू डराएर रोइरहेका थिए। सकेसम्म चाँडो अस्पताल पुर्याउन प्रयास गर्यौं।"

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क