इन्फो नेपाल — सञ्चारको सञ्जाल

चिसो सुरु भएसँगै खुम्बुबाट बाहिरिने पर्यटक बढ्दै, लुक्लामा एकैदिन १८४ हवाई उडान

सोलुखुम्बु | सोलुखुम्बुको तेञ्जिङ हिल्लारी विमानस्थल, लुक्लामा आज एकैदिन १८४ वटा उडान भएको छ। नेपाल नागरिक उड्डयन प्राधिकरण, लुक्लाका अनुसार हेलिकप्टर र जहाजबाट आज १८४ उडान सम्पन्न भएका हुन्।

प्राधिकरणका प्रमुख उमेश पन्थीले बताएअनुसार मौसम खुलेसँगै आज हेलिकप्टरले १५२ तथा जहाजले २३ उडान गरेका छन्। जहाजको उडानमा तारा एयरलाइन्स र समिट एयरलाइन्सले १२/१२ तथा सीता एयरलाइन्सले ८ उडान भरेका छन्।

आज हवाई सेवामार्फत ३९६ विदेशी र १३६ नेपाली गरी कुल ५३२ जना पर्यटक लुक्ला पुगेका छन्। जिल्ला प्रहरी कार्यालय सोलुखुम्बुका प्रहरी नायब उपरीक्षक द्वारिकाप्रसाद घिमिरेले सो जानकारी दिए।

उक्त दिनमा ३३६ विदेशी र १२६ नेपाली गरी कुल ४६२ जना पर्यटक हवाई सेवामार्फत लुक्लाबाट बाहिरिएका छन्।

प्रहरी तथ्यांकअनुसार नाम्चेबाट आज ४७५ जना विदेशी पर्यटक उकालो लागेका छन् भने ३०३ जना विदेशी फर्किएका छन्। चिसो मौसम सुरु भएसँगै खुम्बु क्षेत्रबाट बाहिरिने पर्यटकको सङ्ख्या बढ्दै गएको छ।

सगरमाथा राष्ट्रिय निकुञ्ज कार्यालय नाम्चे, सोलुखुम्बुले जानकारी दिएअनुसार मंसिर महिनाको मध्यसम्म मात्रै पर्यटक याम चल्ने भएकाले भित्रिने र बाहिरिने पर्यटकहरूको सङ्ख्या समान देखिएको छ।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

घुम्ने ठाउँ प्रशस्त, पर्यटनबाट आम्दानी बढाउने अवसर गुमाउँदै मकवानपुर

प्रकृति, संस्कृति र इतिहासले भरिपूर्ण मकवानपुरका सम्पदालाई पर्यटन व्यवसायसँग जोड्ने अवसर अझै बाँकी छ। हेटौँडा पर्यटन वर्ष २०८३ ले पर्यटकको बसाइ लम्ब्याउने र स्थानीय अर्थतन्त्र चलाय…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

हेटौँडाबाट ६ किलोमिटरमै प्रकृतिको काखमा रमाउने गन्तव्य मनकामना

हेटौँडा । सहरको कोलाहल, सवारीसाधनको चाप र धुलोधुवाँबाट केही समय टाढा रहेर प्रकृतिसँग रमाउन चाहनेहरूका लागि मकवानपुरको मनकामना मन्दिर क्षेत्र आकर्षक गन्तव्य बन्दै गएको छ । हेटौँडा ब…

घुमन्ते