इन्फो नेपाल — सञ्चारको सञ्जाल

दक्षिण एसियाको पहिलो चुरियामाई सुरुङ जीर्णोद्धारपछि पुनः सञ्चालनमा

हेटौँडा | मकवानपुर र बारा जिल्लाको सिमानामा स्थित दक्षिण एसियाकै ऐतिहासिक चुरियामाई सुरुङ जीर्णोद्धारपछि पुनः खुला गरिएको छ। हेटौँडा-१५ स्थित चुरियामाई मन्दिरसँगै रहेको २२५ मिटर लामो सुरुङमार्ग सोमबारबाट स्थानीय नागरिक र पर्यटकका लागि पुनः सञ्चालनमा आएको हो।

बागमती प्रदेशका मुख्यमन्त्री बहादुर सिंह लामाले सुरुङमार्गको उद्घाटन गर्दै हेटौँडा उपमहानगरपालिकालाई सञ्चालनको जिम्मेवारी हस्तान्तरण गरे। प्रदेश सरकारले २०७८ सालको बैशाखमा काठमाडौंको माउन्टेन इन्फ्रा कम्पनीसँग सम्झौता गरेर सुरुङमार्गको जीर्णोद्धार प्रक्रिया सुरु गरेको थियो, जसको लागि ३ करोड ६५ लाख रुपैयाँ बजेट व्यय गरिएको हो।

जीर्णोद्धारपछि सुरुङमार्गको चौडाइ २.५ मिटर र उचाइ ३ मिटर कायम राखिएको छ। एक वर्षको स्थगनपछि, सुरुङमार्गलाई सञ्चालनमा ल्याइएको हो, जसको निर्माण २०८० असोज २२ मा पूरा भएको थियो। सुरुङमार्गको ढाँचा र कार्यविधि तयारी नभएपछि एक वर्षसम्म सञ्चालन नगरी राखिएको थियो।

हेटौँडा उपमहानगरपालिकाले तयार गरेको कार्यविधिअनुसार, नेपाली नागरिकलाई ५० रुपैयाँ, विदेशी नागरिकलाई १२० रुपैयाँ र विद्यार्थीलाई २० रुपैयाँ शुल्क तोकिएको छ। ५ वर्ष मुनिका बालबालिका, अपाङ्ग र ज्येष्ठ नागरिकहरूलाई निःशुल्क प्रवेश दिने व्यवस्था गरिएको छ।

यो सुरुङ निर्माण सन् १९१७ मा तत्कालीन राणा प्रधानमन्त्री चन्द्रशमशेरको पालामा नेपालका पहिलो ग्राजुएट इन्जिनियर डिल्लीजंग थापाको नेतृत्वमा गरिएको थियो। निर्माणको १०५ वर्षपछि यसको जीर्णोद्धार गरिएको हो।

समारोहमा बागमती प्रदेशका प्रथम मुख्यमन्त्री डोरमणि पौडेल, प्रदेश सरकारका मन्त्री, पूर्व मन्त्री र प्रदेश सभा सदस्यहरूको उपस्थितिमा सुरुङमार्गको उद्घाटन गरियो।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क