इन्फो नेपाल — सञ्चारको सञ्जाल

नारायणगढ–मुग्लिन सडकमा पहिरो: दुई बस त्रिशूली नदीमा खसे, ६५ यात्रु बेपत्ता

चितवन | नारायणगढ–मुग्लिन सडकखण्डको सिमलतालमा बिहान करिब साढे तीन बजेतिर लेदोसहितको पहिरोमा परेका दुई यात्रुवाहक बस त्रिशूली नदीमा खसेको आशंका प्रहरीले गरेको छ। दुर्घटनामा परेका बसहरूमा चालकसहित करिब ६५ यात्रु रहेको अनुमान गरिएको छ।

घटनास्थलमा पुगेका चितवनका प्रमुख जिल्ला अधिकारी इन्द्रदेव यादवका अनुसार वीरगञ्जबाट काठमाडौंतर्फ आइरहेको बागमती प्रदेश १५१६ नम्बरको एन्जल डिलक्स बस र काठमाडौंबाट गौरतर्फ जाँदै गरेको नम्बर नखुलेको गणपति डिलक्स बस भरतपुर महानगरपालिका वडा नम्बर २९ सिमताल भन्ने स्थानमा पहिरोमा परेका थिए।

यादवका अनुसार गौर जाँदै गरेको बसमा ४१ र काठमाडौं आउँदै गरेको बसमा २४ जना यात्रु रहेको अनुमान छ। तर, यात्रुहरुको एकिन विवरण भने अझै थाहा हुन सकेको छैन। दुवै बस र यात्रुहरुको अवस्था हाल अज्ञात छ।

प्रमुख जिल्ला अधिकारी यादवले घटनास्थलमा उद्धार टोली पुगिसकेको र पहिरो पन्छाउँदै खोजी कार्य जारी रहेको जानकारी दिए। जिल्ला प्रहरी कार्यालय चितवनले खोज तथा उद्धारमा ७५ जनाको टोली परिचालन गरेको छ। साथै, त्रिशूली नदीमा बस खोज्न गोताखोर पनि खटाइएको जनाइएको छ।

स्थानीय प्रशासन र सुरक्षा निकायहरू तीव्र गतिमा उद्धार कार्यमा जुटेका छन्। यात्रुहरूको अवस्था र दुर्घटनाको विस्तृत विवरण आउन बाँकी छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क