इन्फो नेपाल — सञ्चारको सञ्जाल

नारायणी किनार फोहोर जलाउने घटनामा जेन्जी र बेटर चितवनको ४८ घण्टे अल्टिमेटम

भरतपुर | नारायणी किनारमा सम्पन्न खेलकुद तथा व्यापार महोत्सवको फोहोर राति जलाइएको घटनामा कारबाही नहुँदा जेन्जी समूह चितवन र बेटर चितवनले भरतपुर महानगरपालिकालाई ४८ घण्टे अल्टिमेटम दिएका छन्। फोहोर जलाएको २८ दिन बितिसक्दा पनि दोषीमाथि कुनै ठोस कारबाही नगरेको भन्दै समूहले फेरि चेतावनी पत्र बुझाएको हो।

अल्टिमेटम पत्रमा महोत्सव आयोजक, सम्बन्धित ठेकदार र जिम्मेवार पदाधिकारीमाथि फोहोर व्यवस्थापन, वातावरण संरक्षण र स्थानीय सरकार सञ्चालन ऐन अनुसार तत्काल कारबाही गर्नुपर्ने, दोषी व्यक्ति वा संस्थामाथि जरिवाना र क्षतिपूर्ति असुली गर्नुपर्ने, साथै नारायणी आसपासको वातावरणीय क्षतिको मूल्याङ्कन गरी सरसफाई र पुनःस्थापना कार्य आयोजकले गर्ने व्यवस्था राख्नुपर्ने उल्लेख छ।

समूहका अनुसार भविष्यमा यस्ता महोत्सव वा ठूला कार्यक्रमको लागि अनिवार्य फोहोर व्यवस्थापन योजना कार्यान्वयन नगरेसम्म अनुमति नदिने र नदी किनारमा फोहोर फाल्ने वा जलाउने जोसुकैलाई शून्य सहनशीलताको नीति अनुसार कारबाही गर्ने स्पष्ट निर्देशन जारी गर्नुपर्ने माग राखिएको छ।

जेन्जी र बेटर चितवनले चेतावनी पत्र सम्बोधन नभए उपल्लो निकायमा मुद्दा दायर गर्ने तयारी गरेका छन्। गत मङ्सिर ८ गते पनि दोषीलाई कारबाही गर्न महानगरलाई पत्र काटिएको थियो। त्यसपछिका २८ दिनमा कुनै ठोस कारबाही नहुँदा फेरि पत्र बुझाइएको हो। प्रमुख प्रशासकीय अधिकृत लक्ष्मी पौडेलले घटनाको छानबिन भइरहेको र कारबाही प्रक्रियामा लागेको बताए। उनले समय लिएकोमा पूर्वाग्रह नहोस् भन्ने उद्देश्य रहेको पनि बताए।

पौडेलले नगरसभा मार्फत अब यस्ता महोत्सवका लागि नारायणी किनारको साटो वैकल्पिक स्थानमा मात्र अनुमति दिने नीति ल्याउने तयारी भइरहेको जानकारी दिएका छन्।

महोत्सवको फोहोर व्यवस्थापनको ठेक्का पाएको संस्था केशव नेपालले आयोजकसँग कुनै पूर्व सम्झौता नभएको र प्रस्ताव अस्वीकृत भएपछि मात्रै फोहोर उठाउन नसकिएको बताए। आयोजक चितवन जिल्ला खेलकुद विकास समितिले पनि घटनाको जानकारी समाचार आएपछि मात्रै थाहा पाएको र जलाउनमा उनीहरूको संलग्नता नभएको प्रेस विज्ञप्तिमा उल्लेख गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क