इन्फो नेपाल — सञ्चारको सञ्जाल

निर्वाचन मौन अवधिमा होली : मकवानपुरमा भीडभाड हुने कार्यक्रम नगर्न प्रशासनको आग्रह

हेटौँडा | आसन्न प्रतिनिधिसभा सदस्य निर्वाचनको प्रचारप्रसार तथा मौन अवधिभित्र फागुन १८ र १९ गते होली (फागुपूर्णिमा) परेकाले जिल्ला प्रशासन कार्यालय मकवानपुरले भीडभाड हुने गरी पर्व नमनाउन आग्रह गरेको छ। प्रशासनले निर्वाचन आचारसंहिता र सुरक्षा संवेदनशीलतालाई ध्यानमा राख्दै आपसी सद्भाव, शान्ति र सौहार्दपूर्ण वातावरणमा मर्यादित ढंगले होली मनाउन आह्वान गरेको हो।

बिहीबार सहायक प्रमुख जिल्ला अधिकारीको हस्ताक्षरसहित जारी सूचनामा होलीलाई धार्मिक तथा सांस्कृतिक दृष्टिले सभ्य, अनुशासित र संयमित तरिकाले मनाउन अनुरोध गरिएको छ। पर्वका क्रममा निर्वाचन सुरक्षामा असर पर्ने कुनै पनि गतिविधि नगर्न र नगराउन राजनीतिक दल, उम्मेदवार, दलका प्रतिनिधि, धार्मिक संघसंस्था, आमनागरिक तथा सरोकारवालालाई प्रशासनले सचेत गराएको छ।

प्रशासनले होलीको दिन भीडभाड हुने कार्यक्रम नगर्न र यदि अनिवार्य कार्यक्रम गर्नै परे जिल्ला प्रशासन कार्यालयबाट अनुमति लिनुपर्ने जनाएको छ। पर्व मनाउने नाममा कसैको इच्छाविपरीत जबरजस्ती रङ दल्ने, अमर्यादित वा उच्छृङ्खल व्यवहार गर्ने, मादक तथा नशालु पदार्थ सेवन गर्ने वा सेवन गरेर सवारी साधन चलाउने, सार्वजनिक स्थलमा होहल्ला गर्ने तथा चर्को आवाजमा बाजा वा डिजे बजाउनेजस्ता गतिविधि नगर्न आग्रह गरिएको छ। साथै पटाका पड्काउने, आतसबाजी गर्ने र छरछिमेकलाई असर पर्ने कार्य नगर्न पनि प्रशासनले चेतावनी दिएको छ।

निर्वाचन आचारसंहिता २०८२ को पूर्ण पालना गर्न आग्रह गर्दै प्रशासनले आचारसंहिता उल्लङ्घन भएको जानकारी उपलब्ध गराउनसमेत अनुरोध गरेको छ। प्रचलित कानुन तथा निर्वाचन आचारसंहिता विपरीत कुनै कार्य गरेको वा गराएको पाइएमा कडाभन्दा कडा कारबाही गरिने सूचनामा उल्लेख गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क