इन्फो नेपाल — सञ्चारको सञ्जाल

‘नो हेलमेट, नो फ्युल’ अभियान कडाइका साथ कार्यान्वयन गर्न मुख्यमन्त्री बानियाँको निर्देशन

हेटौँडा । बागमती प्रदेशका मुख्यमन्त्री इन्द्रबहादुर बानियाँले ‘नो हेलमेट, नो फ्युल’ अभियानलाई कडाइका साथ लागू गर्न निर्देशन दिएका छन् ।

बुधबार मुख्यमन्त्री तथा मन्त्रिपरिषद्को कार्यालयमा आयोजित कार्यक्रममा उनले हेलमेट प्रयोग नगर्ने मोटरसाइकल तथा स्कुटर चालकलाई पेट्रोल–डिजेल नदिन सुरक्षा निकायलाई निर्देशन दिएका हुन् । यसका लागि नेपाल आयल निगम र नेपाल पेट्रोलियम डिलर्स राष्ट्रिय एसोसिएसन बागमती प्रदेश समितिलाई पत्राचार गरिने उनले जानकारी दिए ।

मुख्यमन्त्री बानियाँले एसोसिएसनका सदस्य पेट्रोल पम्पहरूमा ‘नो हेलमेट, नो फ्युल’ सम्बन्धी सचेतनामूलक सन्देश–बोर्ड राख्न पनि निर्देशन दिएका छन् । अभियानको प्रभावकारी कार्यान्वयन र अनुगमनका लागि जिल्ला प्रशासन कार्यालय र सुरक्षा निकायलाई जिम्मेवारी तोकिएको छ ।

प्रदेशमा बढ्दो सवारी दुर्घटना न्यूनीकरण गर्ने उद्देश्यले उनले विभिन्न सुरक्षा निकाय र सरोकारवालासँग सहकार्यमा कडा कदम चाल्नुपर्नेमा जोड दिए ।

यससँगै, चालकले मादक पदार्थ (मा.प.से.) र लागू पदार्थ (ला.प.से.) सेवन गरेको/नगरेको जाँचलाई नियमित र कडा बनाउन, दुर्घटना घटाउन र ट्राफिक सचेतना अभिवृद्धि गर्न सबै निकायलाई समन्वयात्मक ढङ्गले काम गर्न निर्देशन दिइएको छ ।

कार्यक्रममा नेपाल प्रहरी, राजमार्ग सुरक्षा तथा ट्राफिक व्यवस्थापन कार्यालय, चितवनका तर्फबाट बागमती प्रदेशभित्रका सवारी दुर्घटनाको अवस्था र त्यसका कारणबारे विस्तृत प्रस्तुतीकरण गरिएको थियो ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क