इन्फो नेपाल — सञ्चारको सञ्जाल

प्रधानाध्यापकले ज्यान गुमाएपछि राप्ती रोडको सडक निर्माणले लियो गति

हेटौँडा | मकवानपुरको हेटौँडामा प्रधानाध्यापक दिपेन्द्र कुमार झाको मृत्युले प्रशासन र ठेकेदारलाई झकझक्याएपछि केही समयदेखि अलपत्र परेको राप्ती रोडको सडक निर्माणले गति लिएको छ।

बिहीबार राति ११ बजेर २० मिनेटतिर ४५ वर्षीय झा मोटरसाइकलमा हेटौँडाको बुद्धचोकबाट राप्ती रोड हुँदै थानाभर्याङतर्फ जाँदै गर्दा सडकको खाल्डाखुल्डी र निर्माणाधीन भागमा दुर्घटनामा परेका थिए। गम्भीर घाइते भएका झाको उपचारका क्रममा मृत्यु भएको जिल्ला प्रहरी कार्यालय मकवानपुरले जनाएको छ।

झा राक्सिराङ–९ स्थित कालिका माविका प्रधानाध्यापक थिए। उनी धनुषा, जनकपुर उपमहानगरपालिका–४ का स्थायी बासिन्दा भई लामो समयदेखि हेटौँडामा बस्दै आएका थिए।

डेढ महिनादेखि अलपत्र सडक

हेटौँडाको मुख्य व्यापारिक केन्द्र राप्ती रोड हुँदै थानाभर्याङ जोड्ने सडकमा करिब डेढ महिनादेखि ढल निकास  निर्माणको काम सुरु गरिएको थियो। तर बीचमै ठेकेदार र स्थानीय निकायको सुस्तताले सडक खाल्डाखुल्डी र धुलो–माटोले ढाकिएको अवस्थामा स्थानीय र यात्रुहरू जोखिममा परिरहेका थिए।

स्थानीय व्यवसायीहरूले पटक–पटक सडक मरम्मत र छिटो निर्माणको माग गर्दै आएका थिए। तर बिहीबार रातिको दुर्घटनाले बल्ल प्रशासन र ठेकेदारलाई गम्भीर बनाएको स्थानीयको आरोप छ।

“हामीले यति धेरै गुनासो गर्दा पनि काम भएन। अहिले भने मान्छेले ज्यान गुमाएपछि बल्ल सबैलाई हतार लागेको छ,” एक व्यवसायीले भने।

शुक्रबार बिहानदेखि नै सडक खण्ड चार पांग्रे सवारीका लागि बन्द गरेर निर्माण कार्य सुरु गरिएको छ। सडकमा पर्खाल र ढल निर्माण धमाधम भइरहेको छ। स्थानीयहरूले गुणस्तरीय निर्माण गरेर यथाशीघ्र काम सक्न र सुरक्षित सडक सुनिश्चित गर्न माग गरेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क