इन्फो नेपाल — सञ्चारको सञ्जाल

बन्द उद्योग खोल्न हेटौँडाबाटै सुरु गरौँ : सांसद उप्रेती

हेटौँडा । राष्ट्रिय स्वतन्त्र पार्टी (रास्वपा)का सांसद प्रशान्त उप्रेतीले बन्द अवस्थामा रहेको हेटौँडा कपडा उद्योग पुनः सञ्चालन गर्न सरकारसँग आग्रह गरेका छन्। प्रतिनिधिसभाको बुधबारको बैठकमा बोल्दै उनले स्वदेशमै उत्पादन बढाउने नीति र सरकारी घोषणाबीच समन्वय आवश्यक रहेको उल्लेख गरे।

उप्रेतीले केही समयअघि गृहमन्त्रीले नेपाल प्रहरीका लागि आवश्यक कपडा स्वदेशमै उत्पादन गर्ने घोषणा गरेको स्मरण गराउँदै उक्त प्रतिबद्धता कार्यान्वयन गर्न हेटौँडा कपडा उद्योग उपयुक्त आधार बन्न सक्ने बताए। “नेपाल प्रहरीको पोशाक स्वदेशमै सिलाउने भनिएको छ, त्यसका लागि हेटौँडा कपडा उद्योग सरकारको निर्णय पर्खेर बसेको छ,” उनले भने, “सरकारले अब ढिलाइ नगरी सञ्चालनतर्फ ठोस कदम चाल्नुपर्छ।”

उनले लामो समयदेखि बन्द रहेका सरकारी स्वामित्वका उद्योगहरू पुनर्जीवित गर्ने कार्यको सुरुआत हेटौँडा कपडा उद्योगबाट गर्नुपर्ने धारणा पनि राखे। उद्योग सञ्चालनमा आएमा स्थानीय रोजगारी सृजना, औद्योगिक उत्पादनमा वृद्धि तथा आयात प्रतिस्थापनमा टेवा पुग्ने उनको भनाइ थियो।

उप्रेतीले सरकारलाई नीतिगत स्पष्टता, लगानी सुनिश्चितता र व्यवस्थापन सुधारमार्फत उद्योग पुनः सञ्चालनको ठोस कार्ययोजना ल्याउन आग्रह गर्दै स्वदेशी उद्योगप्रति देखिने प्रतिबद्धता व्यवहारमा रूपान्तरण गर्नुपर्नेमा जोड दिए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क