इन्फो नेपाल — सञ्चारको सञ्जाल

बागमतीमा लम्पीस्किन प्रकोप : ७४ पशुको मृत्यु, अब सात दिन खोप अभियान

हेटौँडा | बागमती प्रदेश सरकारले लम्पीस्किन रोगविरुद्ध एक सातासम्म खोप अभियान चलाउने भएको छ। भदौ १ गतेदेखि ७ गतेसम्म सञ्चालन हुने यो अभियान प्रदेशका १३ वटै जिल्लामा एकैपटक सुरु गरिने कृषि तथा पशुपन्छी मन्त्रालयले जनाएको छ।

शुक्रबार हेटौँडामा आयोजित पत्रकार सम्मेलनमा मन्त्री मधुसुधन पौडेलले ललितपुरको कोन्ज्योसोम गाउँपालिका–१ बाट अभियानको औपचारिक सुरुवात हुने बताए। उहाँका अनुसार नवजात बाछाबाछीलाई तीन महिनासम्म खोप दिन नमिल्ने भएकाले रोग नियन्त्रणमा चुनौती भइरहे पनि सरकारले यो अभियानलाई व्यापक बनाउन लागिपरेको छ।

मन्त्रालयका सचिव बैकुण्ठ अधिकारीको अध्यक्षतामा भएको कार्यक्रममा वरिष्ठ पशु विकास अधिकृत रामप्रकाश प्रधानले हाल बागमती प्रदेशका सबै जिल्लामा लम्पीस्किन फैलिएको जानकारी दिए। मकवानपुर, सिन्धुली, काभ्रे र चितवन बढी प्रभावित जिल्लामा पर्दछन्। असार र साउन महिनामै एक हजार छ सय तेत्तीस गाईभैंसीमा संक्रमण पुष्टि भएको र हालसम्म ७४ वटा पशुको मृत्यु भएको पनि उनले बताए।

प्रधानका अनुसार हालसम्म प्रदेशमा ९४ हजार आठ सय ७७ वटा पशुलाई खोप लगाइसकिएको छ। यस वर्ष मात्रै प्रदेशका लागि एक लाख २० हजार मात्रा खोप छुट्याइएको छ। लम्पीस्किनसहित अन्य पशुजन्य रोग नियन्त्रणका लागि प्रदेश सरकारले करिब आठ करोड रुपैयाँ बजेट विनियोजन गरेको मन्त्रालयले जानकारी दिएको छ।

सन् २०७७ सालमा पहिलो पटक देखिएको लम्पीस्किन रोग अहिले देशका ७७ वटै जिल्लामा फैलिसकेको सरकारी तथ्यांक छ। लामखुट्टे, झिंगा, भुसुना लगायतका किराको टोकाइबाट सर्ने यो रोग संक्रमित गाईभैंसीको सम्पर्कमा आउँदा पनि फैलिन्छ। विज्ञहरुका अनुसार रोगबाट जोगिन खोप नै प्रभावकारी उपाय हो भने संक्रमित पशुलाई छुट्टै राखेर उपचार गर्नुपर्ने हुन्छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क