इन्फो नेपाल — सञ्चारको सञ्जाल

बागमती गाउँपालिकामा फुटबल खेलाडी छनोट सम्पन्न, अन्तिम चरणमा ७५ जना रहने

हेटौँडा । मकवानपुरको बागमती गाउँपालिकाले वडा तहमा फुटबल खेलाडी छनोट प्रक्रिया सम्पन्न गरेको छ । वडा तहबाट १ सय ५३ जना बालबालिका छनोट भएका छन् ।

गाउँपालिकाले फुटबल एकेडेमी सञ्चालन गर्ने तयारी स्वरूप १२ देखि १४ वर्ष उमेर समूहका खेलाडी छनोट सुरु गरेको हो । वडास्तरीय छनोटमा १२ वर्ष उमेर समूहमा ५७ जना र १४ वर्ष उमेर समूहमा ९६ जना छनोट भएका छन् ।

१२ वर्ष उमेर समूहको पालिकास्तरीय छनोट आज (बुधबार) हुँदैछ भने १४ वर्ष उमेर समूहको छनोट भोलि (बिहीबार) हुनेछ । अन्तिम छनोट झुरझुरेस्थित सहिद स्मृति रङ्गशालामा हुनेछ ।

त्रिभुवन आर्मी क्लबका मुख्य प्रशिक्षक मेघराज केसीको टोलीले खेलाडी छनोट गरिरहेको छ । प्रशिक्षक केसीका अनुसार अन्तिम चरणमा जम्मा ७५ जना मात्र छनोट गरिनेछ ।

अन्तिम चरणमा छनोट भएका खेलाडीलाई फापरबारीमा सञ्चालन हुने फुटबल एकेडेमीमा भर्ना गरिनेछ । गाउँपालिकाले खेलमैदान निर्माणसँगै एकेडेमीका लागि आवश्यक छात्रावाससमेत तयार पारेको छ ।

यसैबीच, बागमती गाउँपालिकाले राष्ट्रियस्तरको गोल्डकप फुटबल प्रतियोगिता आयोजना गर्ने तयारीसमेत गरिरहेको जनाएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क