इन्फो नेपाल — सञ्चारको सञ्जाल

बागमती प्रदेशमा दुई वर्ष आठ महिनामै पाँच पटक विश्वासको मतको खेल

हेटौँडा | बागमती प्रदेशसभाको दुई वर्ष आठ महिनाको अवधिमा पाँचपटक विश्वासको मत सम्बन्धी प्रस्ताव प्रस्तुत गरिएको छ। २०७९ मंसिरको आम निर्वाचनपछि गठित प्रदेशसभामा अहिलेसम्म तीन मुख्यमन्त्रीले पाँच पटक विश्वासको मत लिएका छन्।

हालै, मंगलबार, कांग्रेस संसदीय दलका नेता इन्द्रबहादुर बानियाँले मुख्यमन्त्री बनेपछि पहिलोपटक विश्वासको मत लिए। एमालेका २७ र कांग्रेसका ३६ सांसदसहित उनको पक्षमा ६३ मत पर्‍यो। एक कांग्रेस सांसद अनुपस्थित रहे। एक सय दस सदस्यीय प्रदेशसभामा विपक्षमा २२ र तटस्थमा सात मत पर्‍यो। बैठकमा ९२ सदस्यको उपस्थिति थियो।

यसअघि, २०८१ साउन १५ मा तत्कालीन मुख्यमन्त्री बहादुर सिंह लामाले विश्वासको मत पाएका थिए। गठबन्धनको समर्थनमा उनले ६४ मत पाएका थिए। लामाविरुद्ध कांग्रेस भित्रै अविश्वास प्रस्ताव दर्ता भएपछि साउन १८ मा उनले राजीनामा घोषणा गरे र साउन २० मा बानियाँ मुख्यमन्त्री बने।

२०७९ को निर्वाचनपछि गठन भएको प्रदेशसभामा पहिलो १६ महिनामै तीनपटक विश्वासको मतको प्रक्रिया भएको थियो। तत्कालीन मुख्यमन्त्री शालिकराम जम्कट्टेलले फरक–फरक गठबन्धनबाट तीनपटक मत लिएका थिए। चौथोपटक विश्वासको मत लिन साउन ६ गते बैठक आह्वान गरे पनि समीकरण नमिलेपछि उनले पद त्याग गरे।

जम्कट्टेलले पहिलोपटक २०७९ माघ ३ मा एमाले–माओवादी केन्द्र–राप्रपा–एकीकृत समाजवादीको गठबन्धनबाट १०५ मत पाए। दोस्रोपटक २०७९ चैत १० मा कांग्रेससहित ६७ मत पाए। तेस्रोपटक २०८० चैत १९ मा ५६ मत पाएर सरकार जोगाए।

यसबीच, गठबन्धन परिवर्तन, समर्थन फिर्ता र आन्तरिक विवादका कारण बागमती प्रदेशमा सत्ता अस्थिरताको क्रम रोकिएको छैन।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क