इन्फो नेपाल — सञ्चारको सञ्जाल

बागमती प्रदेशमा पाँच सय युवालाई सूचना प्रविधि क्षेत्रमा रोजगारी दिने तयारी

हेटौँडा | बागमती प्रदेश सरकार अन्तर्गतको श्रम, रोजगार तथा यातायात मन्त्रालयले सूचना प्रविधि (आईटी) क्षेत्रमा करिब पाँच सय युवालाई रोजगारी दिने तयारी गरेको छ। मन्त्रालयले निक्षेप तथा कर्जा सुरक्षण कोषमार्फत रोजगारीको अवसर सिर्जना गर्ने उद्देश्यसहित यो योजना अघि बढाएको हो।

यस प्रयोजनका लागि मन्त्रालय र सुरक्षण कोषबीच एक समझदारीपत्रमा हस्ताक्षर भएको छ। श्रम, रोजगार तथा यातायात मन्त्री प्रेमभक्त महर्जनको उपस्थितिमा मन्त्रालयका सचिव वीरेन्द्रदेव भारती र सुरक्षण कोषका प्रमुख कार्यकारी अधिकृत रमेश घिमिरेले आइतबार उक्त समझदारीपत्रमा हस्ताक्षर गरेका हुन्।

समझदारीअनुसार सुरक्षण कोषले कक्षा १२ उत्तीर्ण गरेका युवाहरुलाई सूचना प्रविधिसम्बन्धी सीप विकास तालिम प्रदान गर्नेछ। तालिमपछि सहुलियतपूर्ण कर्जा उपलब्ध गराइने तथा सूचना प्रविधि क्षेत्रमा सक्रिय रोजगारदातासँग समन्वय गरी रोजगारीका अवसर सिर्जना गरिनेछ।

रोजगारीमुखी सीप विकास तालिमलाई प्रभावकारी बनाउन कोषले आवश्यक बैंक तथा वित्तीय संस्थासँग सहकार्य गरी सम्झौता गर्नेछ। ती संस्थाहरूको विवरण सूचना प्रविधि प्रणालीमार्फत अद्यावधिक गरिनेछ।

योजना अनुसार सुरक्षण योगदानकर्ताले ‘रोजगारीमुखी सीप विकास तालिम कर्जा सुरक्षण कोष’ नामक छुट्टै कोष स्थापना गर्ने व्यवस्था गरिएको छ। उक्त कोषमा कर्जाको १० प्रतिशत रकम जम्मा गरिनेछ। सोही कोषबाट त्रैमासिक सुरक्षण शुल्क संकलन गरिने तथा कर्जामा क्षति भएमा क्षतिपूर्तिको व्यवस्था मिलाइनेछ।

मन्त्री महर्जनले देशमै रोजगारी सिर्जना गर्ने सरकारको प्राथमिकतामा आफू प्रतिबद्ध रहेको जनाउँदै वैदेशिक रोजगारीको विकल्पका रूपमा स्वदेशमै सीप र रोजगारीको अवसर खोज्न युवाहरुलाई आग्रह गरेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क