इन्फो नेपाल — सञ्चारको सञ्जाल

बागमती प्रदेश ‘मानवताको प्रदेश’ घोषणा गर्ने तयारी

हेटौँडा। बागमती प्रदेशका मुख्यमन्त्री इन्द्रबहादुर बानियाँले प्रदेशलाई छिट्टै ‘मानवताको प्रदेश’ घोषणा गर्ने योजना रहेको बताएका छन्। उनले प्रदेशका सबै १३ जिल्लामा सडक–आश्रित, बेसहारा र असहाय व्यक्तिहरूको व्यवस्थापन तथा संरक्षणको तयारी गरिएको जानकारी दिए।

हेटौँडामा आयोजित मानव सेवा आश्रमको १३ औँ वार्षिक साधारण सभा मा मुख्यमन्त्री बानियाँले आश्रमको सेवा उत्कृष्ट भएको उल्लेख गर्दै त्यसलाई प्रदेशभर विस्तार गर्न सरकार पूर्ण सहयोग गर्ने प्रतिबद्धता व्यक्त गरे।

मुख्यमन्त्री बानियाँले भने, “एउटा व्यक्तिले सत्य र मानवताको भावले निरन्तर काम गर्दा समाज र सरकारमा पनि सकारात्मक प्रभाव पर्न सक्छ। हामी सरकारले आवश्यक सहयोग गर्नेछौँ।” उनले थपे कि दुईवटा प्रदेशले पहिले नै सडक–मानवमुक्त प्रदेश घोषणा गरिसकेको जानकारी छ भने, बागमती प्रदेश यस अभियानमा तेस्रो प्रदेश हुनेछ।

सरकारले सेवा विस्तार अभियानमा आश्रमसँग साझेदारी गर्ने र आवश्यक परे भवन तथा संरचना निर्माणमा सहयोग गर्न तत्पर रहने पनि मुख्यमन्त्रीले बताए। साथै, संघीय सरकार मातहतका खाली भवन आश्रमलाई उपलब्ध गराउने विषयमा प्रधानमन्त्री र सम्बन्धित मन्त्रीसँग पहल गर्ने योजना रहेको उल्लेख गरे।

मुख्यमन्त्रीले समाजलाई सुधार गर्ने र मनोवैज्ञानिक रूपमा टुटेका व्यक्तिहरूलाई सहयोग गर्ने उपायबारे पनि चिन्तन गर्न सबैमा आग्रह गरे।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क