इन्फो नेपाल — सञ्चारको सञ्जाल

बागमती प्रदेश विश्वविद्यालयको पहिलो नतिजा सात दिनमै सार्वजनिक

हेटौँडा । बागमती प्रदेश विश्वविद्यालयले पहिलो सेमेष्टरको परीक्षाफल परीक्षा सकिएको सात दिनमै सार्वजनिक गरेको छ । विश्वविद्यालयअन्तर्गत सञ्चालित बीआईटी, बी.एड. इन भोकेसनल एजुकेशन र बीबीए कार्यक्रमको पहिलो सेमेष्टरको नतिजा असार १६ गते सार्वजनिक गरिएको हो ।

विश्वविद्यालयले असार ९ गते परीक्षा सम्पन्न गरेको थियो । विश्वविद्यालयका उपाध्यक्ष कुसुमराज सुवेदीका अनुसार नयाँ विश्वविद्यालयका रूपमा पहिलो पटक नतिजा प्रकाशन गरिएको हो । उनले लामो तयारी र मेहनतपछि परीक्षा सकिएको सातौँ दिनमै नतिजा सार्वजनिक गर्न सफल भएको बताए ।

प्रकाशित नतिजाअनुसार बीआईटीतर्फ परीक्षामा सहभागी ६२ जना विद्यार्थीमध्ये ४९ जना उत्तीर्ण र १३ जना अनुत्तीर्ण भएका छन् । यस कार्यक्रमको उत्तीर्ण प्रतिशत ७९.०३ रहेको छ ।

यस्तै, बी.एड. इन भोकेसनल एजुकेशनतर्फ १६१ जना विद्यार्थी सहभागी भएकोमा १४४ जना उत्तीर्ण र १७ जना अनुत्तीर्ण भएका छन् । यस कार्यक्रममा ८९.४४ प्रतिशत विद्यार्थी उत्तीर्ण भएका छन् ।

बीबीएतर्फ १२४ जना विद्यार्थीमध्ये ९० जना उत्तीर्ण भएका छन् भने ३४ जना अनुत्तीर्ण भएका छन् । यस कार्यक्रमको उत्तीर्ण प्रतिशत ७२.५८ रहेको छ ।

तीनवटै कार्यक्रममा गरी कुल ३४७ विद्यार्थी परीक्षामा सहभागी भएका थिए । तीमध्ये २८३ जना उत्तीर्ण भएका छन् भने ६४ जना अनुत्तीर्ण भएका छन् । समग्रमा विश्वविद्यालयको पहिलो सेमेष्टरको नतिजामा ८१.५५ प्रतिशत विद्यार्थी उत्तीर्ण भएका छन् ।

उपाध्यक्ष सुवेदीले चार वर्षे स्नातक तहका कार्यक्रम चार वर्षमै पूरा गराउने लक्ष्यसहित परीक्षा र नतिजा प्रणालीलाई नियमित बनाइने बताए । उनका अनुसार निर्धारित समयमा परीक्षा सञ्चालन र नतिजा प्रकाशनलाई विश्वविद्यालयले प्राथमिकतामा राखेको छ ।

विश्वविद्यालयले बीबीए र बीआईटी अध्ययनमा विद्यार्थीलाई १० देखि २० प्रतिशतसम्म छुटको व्यवस्था गरेको जनाएको छ । विश्वविद्यालयअन्तर्गत हेटौँडासहित चितवन र काठमाडौंका क्याम्पसमा कार्यक्रम सञ्चालनको प्रक्रिया अघि बढाइएको छ भने कानुनतर्फ एलएलबी कार्यक्रम पनि अघि बढाइएको विश्वविद्यालयले जनाएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क