इन्फो नेपाल — सञ्चारको सञ्जाल

बागमती प्रदेश सरकारद्वारा आयोजित निबन्ध प्रतियोगितामा हिमा न्यौपाने प्रथम

हेटौँडा | ११५औं अन्तर्राष्ट्रिय नारी दिवसको अवसरमा बागमती प्रदेश सामाजिक विकास मन्त्रालयद्वारा आयोजित महिला कर्मचारीबीचको निबन्ध प्रतियोगितामा बागमती प्रदेश सभा सचिवालयकी अधिकृतस्तर सातौं हिमा न्यौपाने प्रथम स्थान हासिल गरेकी छिन्।

‘सार्वजनिक सेवामा महिला सहभागिता: अवस्था, चुनौती र आगामी कार्यदिशा’ विषयक निबन्ध प्रतियोगितामा प्रथम भएकी न्यौपानेलाई शुक्रबार आयोजित कार्यक्रममा बागमती प्रदेशकी सामाजिक विकास मन्त्री हरिप्रभा खड्की श्रेष्ठ र मन्त्रालयका सचिव बद्रीनाथ गैह्रेले नगद १० हजार रुपैयाँ तथा सम्मानपत्र प्रदान गरेका थिए।

यसै प्रतियोगितामा बागमती प्रदेश उद्योग, वाणिज्य, भूमि तथा प्रशासन मन्त्रालयकी लेखा अधिकृत सरस्वती पौडेल द्वितीय स्थान प्राप्त गर्दै नगद ७ हजार रुपैयाँ तथा सम्मानपत्र प्राप्त गरिन् भने बागमती प्रदेश लेखा नियन्त्रक कार्यालयकी लेखा अधिकृत सुस्मा पुडासैनी तृतीय स्थान हासिल गर्दै नगद ५ हजार रुपैयाँसहित सम्मानित भइन्।

बागमती प्रदेश सरकार अन्तर्गत कार्यरत महिला कर्मचारीहरूको सृजनात्मक प्रतिभालाई प्रोत्साहित गर्न आयोजना गरिएको प्रतियोगितामा १२ जना महिला कर्मचारीहरूले सहभागिता जनाएका थिए। फागुन २१ गते आयोजित निबन्ध लेखन प्रतियोगितामा उत्कृष्ट तीन जनालाई विशेष सम्मान प्रदान गरिएको थियो।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क