इन्फो नेपाल — सञ्चारको सञ्जाल

बागमती प्रदेश सरकारले थप्यो ४ दिन सार्वजनिक बिदा

हेटौँडा | बागमती प्रदेश सरकारले २०८२ मा नेपाल सरकारले तोकेको बिदाका अतिरिक्त थप ४ दिन सार्वजनिक बिदा दिने निर्णय गरेको छ। सोमबार अपरान्ह बसेको मन्त्रिपरिषद् बैठकले प्रदेशभर लागू हुने गरी विशेष पर्व तथा दिवसहरूमा सार्वजनिक बिदा दिने निर्णय गरेको हो।

प्रदेश सरकारका प्रवक्ता तथा आन्तरिक मामिला तथा कानुन मन्त्री सुरज लामिछानेका अनुसार, प्रदेश सरकारले विगतमा पनि विशेष अवसरहरूमा सार्वजनिक बिदा दिने निर्णय गर्दै आएको थियो। तर, हरेक वर्ष मन्त्रिपरिषद् बैठक बसी बिदा निर्णय गर्नुपर्ने अवस्थालाई हटाउन अबदेखि यी बिदाहरूलाई आधिकारिक क्यालेन्डरमै समावेश गरिने छ।

मन्त्री लामिछानेका अनुसार, प्रदेश सरकारले प्रदेश कामकाजी भाषा ऐन कार्यान्वयन दिवसको अवसरमा बैशाख २४ गते, गाइजात्राका अवसरमा साउन २५ गते, चेपाङ समुदायको न्वागी पर्वका अवसरमा भदौ २२ गते, र माझी समुदायको लदी पर्वको अवसरमा फागुन १९ गते सार्वजनिक बिदा दिने निर्णय गरेको छ। उनले सरकारको यो निर्णय प्रदेशभरका सरकारी कार्यालय, शैक्षिक संस्था, र सार्वजनिक संस्थानहरूमा लागू हुने जानकारी दिए।

यसअघि प्रदेश सरकारले विभिन्न पर्व र विशेष अवसरहरूमा मन्त्रिपरिषद् बैठकमार्फत ६ दिन बिदा दिने गरेको थियो। अब भने सरकारको निर्णय राजपत्रमा प्रकाशित गरेपछि यो कार्यान्वयनको चरणमा प्रवेश गर्ने मन्त्री लामिछानेले बताए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क