इन्फो नेपाल — सञ्चारको सञ्जाल

बागमती सरकारमा नेतृत्व फेरबदलको चर्चा

हेटौँडा | बागमती प्रदेश सरकारको नेतृत्वमा फेरबदल हुने सम्भावना बढेको छ। मुख्यमन्त्री बहादुरसिंह लामाको कामकारबाहीप्रति असन्तुष्ट रहेको कांग्रेस नेतृत्वले बजेट पारित भएलगत्तै नयाँ नेतृत्व चयन गर्ने तयारी गरेको स्रोतले जनाएको छ।

कांग्रेस सभापति शेरबहादुर देउवा निकट एक केन्द्रीय सदस्यका अनुसार देउवाले लामाको सट्टा मकवानपुरका युवा नेता इन्द्रबहादुर बानियाँलाई मुख्यमन्त्री बनाउने निष्कर्षमा पुगिसकेका छन्। देउवा लामासँग पहिल्यै असन्तुष्ट रहेको र आर्थिक मामिला मन्त्री कुन्दन काफ्लेले प्रस्तुत गरेको बजेटले थप असन्तुष्टि बढाएको बताइएको छ।

काफ्लेले पहिरो नियन्त्रण र पर्यटन पदमार्ग जस्ता योजना राखेर बजेटको ठूलो हिस्सा त्यहीँ केन्द्रित गरेको भन्दै कांग्रेसभित्र ‘टंकी बजेट’ भन्दै आलोचना भएको छ। यसले देउवाको असन्तुष्टि चुलिएको स्रोतको दाबी छ।

मुख्यमन्त्री हटाउन कांग्रेसले संसदीय दलमा पहल थालेको छ। दलको नेताबाट नै उनलाई हटाउने प्रक्रिया सुरु गर्नुपर्ने भएकाले सहमतिका लागि छलफल भइरहेको बताइएको छ। तर, लामा सहजै राजीनामा दिन तयार नभएको स्रोतले जनाएको छ। बानियाँ पक्षले भने आर्थिक वर्षको अन्त्यसँगै पद हस्तान्तरण गर्ने सहमति लामासँग भएको दाबी गर्दै आएको छ।

लामा र बानियाँ दुवै देउवा पक्षका हुन्। कांग्रेसले नेतृत्व परिवर्तन गरेसँगै सरकारका मन्त्रीहरूको टिममा पनि फेरबदल हुने सम्भावना रहेको बताइएको छ। यससँगै सत्ता साझेदार एमालेतर्फ पनि मन्त्री परिवर्तनको चर्चा सुरु भएको छ।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क