इन्फो नेपाल — सञ्चारको सञ्जाल

मकवानपुरमा ग्यास बुलेट र स्कुटर ठोक्किँदा एक जनाको मृत्यु

हेटौँडा । मकवानपुरको मनहरी गाउँपालिका–७ लच्का नजिक आइतबार बिहान भएको सवारी दुर्घटनामा एक जनाको मृत्यु भएको छ भने दुई जना गम्भीर घाइते भएका छन्।

जिल्ला प्रहरी कार्यालय मकवानपुरका अनुसार चितवनबाट मनहरीतर्फ आउँदै गरेको बा.प्र.२–०५७ प ३२३० नम्बरको स्कुटरलाई सोही दिशा तर्फ गइरहेको NL01N0280 नम्बरको ग्यास बुलेटले ठक्कर दिएको थियो।

दुर्घटनामा स्कुटर चालक सिन्धुपालचोक चौतारा नगरपालिका–५ का ३० वर्षका केदार श्रेष्ठको उपचारका क्रममा मृत्यु भएको हो। उनलाई हेटौँडा अस्पताल पुर्‍याइए पनि चिकित्सकले मृत घोषणा गरेका थिए।

उक्त स्कुटरमा सवार उनकी श्रीमती २८ वर्षीया सरस्वती श्रेष्ठ गम्भीर घाइते भएकी छन् भने दुई वर्षीय छोरा प्रविन श्रेष्ठको अवस्था सामान्य रहेको प्रहरीले जनाएको छ। आमा–छोरा हाल चितवनस्थित एलाईभ अस्पतालमा उपचाररत छन्।

दुर्घटनामा संलग्न ग्यास बुलेट र चालक भारत बिहारका ५५ वर्षीय मोहमद मतिनलाई इलाका प्रहरी कार्यालय मनहरीले नियन्त्रणमा लिएको छ।

 

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क