इन्फो नेपाल — सञ्चारको सञ्जाल

मनहरीमा बाघको आक्रमणबाट ७२ वर्षीया वृद्धाको मृत्यु

हेटौँडा | मनहरी गाउँपालिका-५ बसन्तपुरमा आइतबार साँझ बाघको आक्रमणबाट ७२ वर्षीया कान्छीमाया रुम्बाको ज्यान गएको छ। घाँस काट्न घरबाट बारीतर्फ गएकी वृद्धा लामो समयसम्म नफर्केपछि परिवार र स्थानीयले खोजी थालेका थिए।

खोज्ने क्रममा युवाहरुले बाघको आक्रमणको संकेत देखेपछि पछ्याउँदै जाँदा कान्छीमायाको शव भेटिएको हो। वडा नं ५ का वडाध्यक्ष दीपेन्द्र अधिकारीका अनुसार, बाघले कान्छीमायालाई बोकेर लगेको र भीडभाडको कारण लास छाडेर भागेको अनुमान गरिएको छ।

घटनास्थलमा शवको टाउको र तिघ्राका भागको मासु बाघले खाइसकेको अवस्थामा फेला परेको छ। गाउँपालिका कार्यालयबाट १०० मिटर पश्चिमतर्फ पर्ने घटनास्थलमा अहिले स्थानीय त्रसित बनेका छन्। घटनापछि गाउँमा बाघको आतंकले मानिसहरुमा भय बढेको छ।

वन्यजन्तु र मानवबीचको द्वन्द्व समाधानका लागि स्थानीयले तत्काल प्रभावकारी कदम चाल्न माग गरेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क