इन्फो नेपाल — सञ्चारको सञ्जाल

मनहरी चट्याङ घटनामा मृतक परिवारलाई प्रदेश सरकारद्वारा एक लाख सहयोग

हेटौँडा | बागमती प्रदेश सरकारले मकवानपुरको मनहरी गाउँपालिका–६, दैलीडाँडामा चट्याङ लागी मृत्यु भएका एक व्यक्तिको परिवारलाई एक लाख रुपैयाँ सहयोग गर्ने भएको छ।

प्रदेश प्रमुख सचिवलाई आवश्यक प्रक्रिया अघि बढाउन मुख्यमन्त्री इन्द्रबहादुर बानियाँले निर्देशन दिएका छन्। प्रदेश विपद् कोषबाट सहयोग रकम उपलब्ध गराइनेछ। घटनामा घाइते भएका व्यक्तिहरूको उपचार सहज बनाउन स्थानीय तहसँग समन्वय गर्न पनि उनले आग्रह गरेका छन्।

मंगलबार दिउँसो ४ बजेर २० मिनेटतिर चट्याङ लाग्दा ४२ वर्षीय विशाल ब्लोनको घटनास्थलमै मृत्यु भएको थियो। सोही घटनामा १२ वर्षीय सुजन घलान, १२ वर्षीया वर्षा घलान, १६ वर्षीय सन्तोष घलान, ३८ वर्षीया शान्ति तितुङ, ३४ वर्षीय प्रेमबहादुर घलान, ३७ वर्षीय राजकुमार घलान र ४७ वर्षीय पानबहादुर मोक्तान घाइते भएका छन्।

बुधबार मनहरीमा आयोजित कार्यक्रममा मुख्यमन्त्री बानियाँले आफू निर्वाचित क्षेत्रको विकासलाई प्राथमिकतामा राख्ने प्रतिबद्धता व्यक्त गरेका छन्। लामिटार–चकरी–मकरी सडक कालोपत्रे गर्ने, पुल तथा अन्य पूर्वाधार विकासलाई अघि बढाउने योजना उनले प्रस्तुत गरे।

कार्यक्रममा गाउँपालिका उपाध्यक्ष सीता पुलामी मगरको अध्यक्षतामा मुख्यमन्त्रीसहित मन्त्रीहरूलाई गाउँपालिकाले सम्मान गरेको थियो। यसअघि उनले मनहरीस्थित सम्पर्क कार्यालयमा पुगेर स्थानीय समस्या प्रत्यक्ष सुनेका थिए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क