इन्फो नेपाल — सञ्चारको सञ्जाल

मुख्यमन्त्री लामाले राजीनामा घोषणा गर्दै भने, ‘सरकार ढालिनु राजनीतिक षड्यन्त्र’

हेटौँडा | बागमती प्रदेशका मुख्यमन्त्री बहादुरसिंह लामाले आइतबार पत्रकार सम्मेलनमार्फत पदबाट राजीनामा घोषणा गरेका छन्।

लामा साउन नौ गते मुख्यमन्त्री बनेका थिए। करिब एक वर्ष सरकारको नेतृत्व गरेका उनले नेपाली कांग्रेसको संसदीय दलको निर्वाचनमा इन्द्रबहादुर बानियाँसँग पराजय बेहोरेपछि राजीनामा दिन बाध्य भएको बताए। पार्टी सभापति शेरबहादुर देउवाको निर्देशनपछि आइतबार राजीनामा घोषणा गरेका लामा सोमबार मात्र प्रदेश प्रमुख दीपकप्रसाद देवकोटालाई औपचारिक रूपमा राजीनामा बुझाउने भएका छन्।

राजीनामा घोषणा गर्दै लामाले सरकार ढालिनु पछाडि गम्भीर राजनीतिक षड्यन्त्र रहेको दाबी गरे। उनले बागमती प्रदेश सरकारको नेतृत्व परिवर्तनलाई लोकतान्त्रिक मूल्य–मान्यताको अपमान र स्थायित्वको खिल्ली उडाएको बताए।

उनका अनुसार, आफू नेतृत्वको सरकारले विकास र सुशासनप्रति गम्भीर प्रतिबद्धता देखाएको थियो। तर गठबन्धनमै आन्तरिक प्रतिस्पर्धा बढ्दा संविधानको मर्म र जनअपेक्षामाथि आघात पुगेको उनको भनाइ छ। उनले आफू इमानदारीपूर्वक, पारदर्शी र बिना स्वार्थ सरकार सञ्चालन गरेको पनि दाबी गरे।

लामाले मन्त्रीपरिषद् विस्तारसमेत अवरुद्ध बनाउन खोजिएको गुनासो गर्दै बागमती प्रदेशमा मात्रै अस्थिरता ल्याउने चेष्टाले लोकतान्त्रिक स्थायित्वमा खतरा उत्पन्न भएको दाबी गरे। अन्य प्रदेश सरकार यथावत् रहेको अवस्थामा बागमतीमा मात्र अस्थिरता ल्याइनु शंकास्पद रहेको भन्दै यसको कारण पत्रकार र नागरिक समाजले खोजिदिनुपर्ने उनले आग्रह गरे।

संविधानको धारा एकसत्तरी (दुई) बमोजिम कांग्रेस र एमालेको समर्थनमा सरकारको नेतृत्व सम्हालेका लामाले अन्ततः पार्टीभित्रको आन्तरिक प्रतिस्पर्धा र पछिल्लो राजनीतिक परिस्थितिका कारण पदत्याग गर्ने निर्णय गरेका हुन्।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क