इन्फो नेपाल — सञ्चारको सञ्जाल

मुख्यमन्त्री लामाद्वारा कांग्रेसका चार मन्त्री पदमुक्त

हेटौँडा | बागमती प्रदेश सरकारका चारजना मन्त्री पदमुक्त भएका छन्। मुख्यमन्त्री बहादुर सिंह लामाले शुक्रबार साँझ नेपाली कांग्रेसबाट सरकारमा सहभागी चार मन्त्रीलाई पदमुक्त गरेका हुन्।

पदमुक्त हुनेमा आन्तरिक मामिला तथा कानुनमन्त्री सुरजचन्द्र लामिछाने, सहकारी तथा गरिबी निवारण मन्त्री मदुकुमार श्रेष्ठ, युवा तथा खेलकुद मन्त्री मीनकृष्ण महर्जन र संस्कृति तथा पर्यटन मन्त्री बिमलचन्द्र ठकुरी छन्।

चारै जना मन्त्रीले शुक्रबार दिउँसो मुख्यमन्त्री लामा समक्ष व्हाट्सएपमार्फत राजीनामा बुझाएका थिए, तर साँझ मुख्यमन्त्रीले उनीहरूलाई पदबाट हटाएको पत्र जारी गरेका हुन्।

मुख्यमन्त्री लामा नेपाली कांग्रेस संसदीय दलका नेता हुन्। तर पछिल्ला दिनमा पार्टीभित्रको आन्तरिक असहमति चुलिँदै गएपछि सत्ता समीकरण भित्रै द्वन्द्व देखिएको छ।

स्रोतका अनुसार, मन्त्रीहरूले लामामाथि विश्वास गर्न नसकिने भन्दै नेतृत्व परिवर्तनको प्रयासस्वरूप राजीनामा दिएका थिए। तर मुख्यमन्त्री लामाले औपचारिक राजीनामा स्वीकृत नगरी प्रत्यक्षरूपमा पदमुक्त गरेका हुन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क