इन्फो नेपाल — सञ्चारको सञ्जाल

राक्सिराङ्गमा एसईईको परीक्षा केन्द्र, २ सय ८१ जना बिद्यार्थी सहभागी हुँदै

हेटौडा – आजबाट शुरु हुने माध्यमिक शिक्षा परीक्षा (एसईई) मा मकवानपुरको राक्सिराङ्ग गाउँपालिकाबाट २ सय ८१ जना सहभागी हुँदै छन्। राक्सिराङ्गको ५ वटा बिद्यालयबाट परीक्षामा सहभागी हुन बुधबार नै गाउँपालिका मुकाम चैनपुरमा आइपुगेका छन्।

यस भन्दा पहिले मनहरीको विभिन्न परीक्षा केन्द्रमा परीक्षा दिनु पर्ने अवस्था थियो, यो पटक देखि आफ्नै गाउँपालिकामा परीक्षा केन्द्र संचालन भएको गाउँपालिका अध्यक्ष राजकुमार मल्लले बताउनुभयो।

परीक्षामा सहभागी हुन नियमित तर्फ २ सय २० जना, ग्रेड वृद्धि तर्फ ३५ जना, प्राबिधिक तर्फ २६ जना गरि २ सय ८१ जना रहेको गाउँपालिकाको शिक्षा शाखा प्राबिधिक सहायक पासाङ्ग लामा बलले जानकारी दिनुभयो।

टाढाबाट आएका परीक्षार्थीहरू आफन्तकोमा आश्रय लिएर बसेका छन् । बुधबार नै गाउँपालिकाले टाढाबाट आएका बिद्यार्थीहरुलाई खाद्यान्न समस्या हुन नदिन २ सय ३ जनालाई साढे १२ केजी चामल, आधा केजी नुन, एक लिटर तेल र एक केजी दाल उपलब्ध खाद्यान्न उपलब्ध गराएको छ ।

यस केन्द्रबाट कालिका मावि खैराङ, कालिका मावि राक्सिराङ, राष्टिय मावि सिलिङे, सुर्योदय मावि देविटार र श्री माविका विद्यार्थी परीक्षामा सहभागी हुँदैछन् । परीक्षा सञ्चालनका लागि एक केन्द्राध्यक्ष, सहायक केन्दाध्यक्ष, निरीक्षक, सहयोगी सहित १२ जना कर्मचारी परिचालित भएका छन् ।

चेपाङ जातीको बाहुल्य रहेको राक्सिराङबाट १ सय ४ जना चेपाङ विद्यार्थीहरुले एसइई दिँदै छन्। मकवानपुरमा यस वर्ष ६ हजार १ सय ६३ विद्यार्थी एसईइ परीक्षामा सहभागी हुँदैछन् । मकवानपुरको कैलाश गाउँपालिका बाहेक सबै ९ वटा स्थानीय तहका २६ विद्यालयमा परीक्षा केन्द्र राखिएको छ ।

प्रतिक्रिया दिनुहोस

सम्बन्धित समाचार

मकवानपुरका पाँच गाउँपालिकासहित हेटौँडामा विद्यालय बन्द

हेटौँडा, ८ असोज । भारी वर्षासँगै बाढी, पहिरो तथा खोला–खहरेमा पानीको बहाव बढ्न सक्ने जोखिमलाई ध्यानमा राख्दै मकवानपुरका पाँच गाउँपालिका र हेटौँडा उपमहानगरपालिकाले विद्यालय बन्द गर्न…

इन्फो डेस्क

मकवानपुरका सबै पालिकाबाट करदाता सेवा सुरु, हेटौँडा धाउनुपर्ने बाध्यता हट्दै

हेटौँडा । मकवानपुरका सबै स्थानीय तहबाट करदातासम्बन्धी सेवा सुरु भएको छ। आन्तरिक राजस्व कार्यालय हेटौँडाले जिल्लाका सबै पालिकामा सेवा विस्तार गरेसँगै व्यक्तिगत तथा व्यावसायिक प्यान…

इन्फो नेपाल संवाददाता

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मकवानपुरका ९ पालिकाको बजेट ८ अर्ब ९० करोड बढी, जोड पूर्वाधारमै

हेटौँडा । मकवानपुरका १० स्थानीय तहमध्ये ९ वटा पालिकाले आगामी आर्थिक वर्ष २०८३/८४ का लागि नीति, कार्यक्रम तथा बजेट सार्वजनिक गरेका छन् । हालसम्म सार्वजनिक भएका ९ पालिकाको कुल बजेट ८…

बसन्त भण्डारी