इन्फो नेपाल — सञ्चारको सञ्जाल

राप्रपाको मकवानपुर–१ क्षेत्रीय अधिवेशन नजिकिँदै, अध्यक्षमा थापाको दाबी

हेटौँडा । राष्ट्रिय प्रजातन्त्र पार्टी (राप्रपा) मकवानपुर क्षेत्र नं. १ को भदौ २१ गते हुने क्षेत्रीय अधिवेशन नजिकिँदै गर्दा नयाँ नेतृत्व चयनको प्रक्रिया प्रारम्भिक चरणमै चासोको विषय बनेको छ । अधिवेशनमा अध्यक्ष पदका लागि हेटौंडा–४ निवासी उमेश थापा दाबेदारका रूपमा अघि आएका छन् ।

विगत दुई दशकदेखि पार्टी राजनीतिमा सक्रिय थापा हाल बागमती प्रदेशसभामुखको स्वकीय सचिवका रूपमा कार्यरत छन् । उनले सामाजिक क्षेत्रमा समेत गतिविधि गर्दै आएका छन् । खेलकुद प्रवर्द्धन, विपन्न समुदायलाई सहयोग र संघ–संस्थामा संलग्नता थापाको पृष्ठभूमिमा रहेको छ ।

२०७४ र २०७९ को स्थानीय तह निर्वाचनमा उम्मेदवार बनेका थापा परिचित राजनीतिक तथा सामाजिक व्यक्तित्वका रूपमा चिनिन्छन् । उनले युवालाई संगठनमा समेटेर राप्रपालाई सुदृढ बनाउन सकिने विश्वास व्यक्त गरेका छन् ।

स्थानीय राजनीतिक वृत्तमा थापाको दाबीबारे चर्चा सुरु भएको छ । अधिवेशनपछि पार्टीभित्र नेतृत्वको स्वरूपबारे स्पष्ट हुने अपेक्षा गरिएको छ ।

यसअघि २०७९ को प्रतिनिधिसभा निर्वाचनमा यही क्षेत्रबाट राप्रपाका दीपक बहादुर सिंह विजयी भएका थिए । आगामी २०८४ को निर्वाचनमा उमेदवार छनोट प्रक्रियामा समेत थापाको नाम चर्चामा आउन सक्ने अनुमान गरिएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क