इन्फो नेपाल — सञ्चारको सञ्जाल

हेटौँडामा एसईई ग्रेडवृद्धि परीक्षार्थीलाई निःशुल्क कक्षा

हेटौंडा | हेटौंडा उपमहानगरपालिकाको एसईई ग्रेडवृद्धि परीक्षा दिने विद्यार्थीहरूका लागि निःशुल्क कक्षा सञ्चालन गर्ने घोषणा गरेको छ। मंगलबार जारी गरिएको सूचना अनुसार, यी कक्षाहरू साउन २ देखि २० गतेसम्म सञ्चालन हुनेछन्।

उपमहानगरपालिकाका अनुसार, यो कार्यक्रम हेटौंडा उपमहानगरअन्तर्गतका विद्यालयहरूबाट माध्यमिक शिक्षा परीक्षामा एनजी (अनुत्तीर्ण) ग्रेड प्राप्त गरेका विद्यार्थीहरूलाई लक्षित गरिएको छ। मौका परीक्षाको तयारीका लागि ५ वटा सामुदायिक विद्यालयहरूमा बिहान ६ देखि १२ बजेसम्म अनिवार्य विषयहरूको कक्षा सञ्चालन गरिनेछ।

निःशुल्क कक्षा संचालन हुने बिद्यालयहरुमा हेटौंडा-३ मा रहेको महेन्द्रकिरण माध्यमिक विद्यालय, हेटौंडा-४ मा रहेको भूटनदेवी माध्यमिक विद्यालय, हेटौंडा-९ मा रहेको प्रगति माध्यमिक विद्यालय, हेटौंडा-१३ मा रहेको महेन्द्र माध्यमिक विद्यालय र हेटौंडा-१६ मा रहको जनप्रिय माध्यमिक विद्यालय रहेका छन् ।

    उपमहानगरपालिका अनुसार, यी विद्यालयहरू उपमहानगरको भौगोलिक स्थितिलाई ध्यानमा राखी छनोट गरिएका हुन्। सामुदायिक तथा संस्थागत दुवै प्रकारका विद्यालयका विद्यार्थीहरूले आफूलाई पायक पर्ने कुनै एक विद्यालयमा यी कक्षाहरूमा सहभागी हुन सक्नेछन्।

    हेटौंडा उपमहानगरपालिकाकामा १ हजार ४ सय २८ विद्यार्थीको नतिजा 'एनजी' आएको थियो। ग्रेडवृद्धि परीक्षा साउन २३ गतेबाट सञ्चालन हुने तय भएको छ।

    यो पहलले विद्यार्थीहरूलाई ग्रेडवृद्धि परीक्षाको तयारीमा महत्त्वपूर्ण सहयोग पुर्‍याउने अपेक्षा गरिएको छ।

    सम्बन्धित समाचार

    हेटौँडाबाट ६ किलोमिटरमै प्रकृतिको काखमा रमाउने गन्तव्य मनकामना

    हेटौँडा । सहरको कोलाहल, सवारीसाधनको चाप र धुलोधुवाँबाट केही समय टाढा रहेर प्रकृतिसँग रमाउन चाहनेहरूका लागि मकवानपुरको मनकामना मन्दिर क्षेत्र आकर्षक गन्तव्य बन्दै गएको छ । हेटौँडा ब…

    घुमन्ते

    मकवानपुरका पाँच गाउँपालिकासहित हेटौँडामा विद्यालय बन्द

    हेटौँडा, ८ असोज । भारी वर्षासँगै बाढी, पहिरो तथा खोला–खहरेमा पानीको बहाव बढ्न सक्ने जोखिमलाई ध्यानमा राख्दै मकवानपुरका पाँच गाउँपालिका र हेटौँडा उपमहानगरपालिकाले विद्यालय बन्द गर्न…

    इन्फो डेस्क

    Latest in English

    Nepal Flood 2026: Full Timeline Explained

    KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

    Info Nepal

    शव पहिचानमा सघाउन हेटौँडामा प्रोजेक्टरसहितको कक्ष

    हेटौँडा | रसुवाको भोटेकोशी बाढीमा मृत्यु भएका तर पहिचान हुन नसकेका व्यक्तिको सनाखतमा सहयोग पुर्‍याउन हेटौँडा उपमहानगरपालिकाले प्रोजेक्टरसहितको कक्ष सञ्चालनमा ल्याएको छ। नगर प्रमुख…

    इन्फो नेपाल संवाददाता