इन्फो नेपाल — सञ्चारको सञ्जाल

हेटौँडामा छठ पर्वको तयारी अन्तिम चरणमा

हेटौँडा | हेटौँडा उपमहानगरपालिका–१ राप्ती पुल क्षेत्र यस वर्षको छठ पर्वको तयारीको अन्तिम चरणमा पुगेको छ। सयुक्त मधेश सेवा समाजको आयोजनामा राप्ती नदी किनारमा यस वर्ष भव्य रूपमा छठ मनाउने तयारी भइरहेको छ।

समाजका सचिव राजदेव बनियाँका अनुसार भोली दिउँसो १ देखि २ बजेसम्म व्रतालुहरू आउन थाल्नेछन् र बेलुकी अस्ताउँदो सूर्यलाई अर्घ दिने कार्यक्रम हुनेछ।

“पर्सि बिहान उदाउँदो सूर्यलाई अर्घ दिएर पर्व सम्पन्न गरिनेछ,” उनले भने।

गत वर्ष करिब ११ सय व्रतालु सहभागी भएका थिए भने यस वर्ष ५० देखि ५५ हजार श्रद्धालु आउने अनुमान गरिएको बनियाँले बताए। उनका अनुसार गत वर्षको तुलनामा यस वर्ष कार्यक्रम स्थल विस्तार गरी ६५० फिट क्षेत्रमा सजावट गरिएको छ।

राप्ती नदी किनार अहिले रंगीन बत्ती र विभिन्न सजावटले झकिझकाउ बनेको छ। व्रतालुहरूका लागि टेन्ट, मुख्य प्रवेशद्वार र सहायक गेट तयार पारिएका छन्।

बनियाँका अनुसार हेटौँडा उपमहानगरपालिका र एचएसएमले आर्थिक सहयोग गरेका छन् भने करिब २० वटा व्यापारिक स्टलहरू सञ्चालनमा आउने छन्।

भक्तजनले दान पेटिकामा रकम हाल्ने परम्पराले पनि कार्यक्रम सञ्चालनमा सहयोग पुगेको सचिव बनियाँले जानकारी दिए।

छठ पर्व वैदिक परम्परादेखि चलिआएको सूर्य उपासना पर्व हो। यो पर्वमा चामल, ठेकुवा, कसार, उखु, अदुवा लगायतका प्रसाद बाँसको सुप्पोमा राखी अस्ताउँदो र उदाउँदो सूर्यलाई अर्घ दिने चलन छ।

महिलाहरू दुःख र दरिद्रताबाट मुक्ति पाइने विश्वासका साथ यो पर्वमा व्रत बस्ने गर्छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क