इन्फो नेपाल — सञ्चारको सञ्जाल

हेटौँडामा पहिलोपटक महिला राष्ट्रिय गोल्डकप फुटबल प्रतियोगिता हुँदै

हेटौँडा | मकवानपुर जिल्ला फुटबल संघले पहिलोपटक महिला राष्ट्रिय गोल्डकप फुटबल प्रतियोगिता आयोजना गर्न लागेको छ। यसअघि पुरुष फुटबल प्रतियोगिता गर्दै आएको संघले यसपटक प्रतियोगिताको स्वरूप परिवर्तन गर्दै महिलाको सहभागितामा राष्ट्रिय स्तरको प्रतियोगिता गर्ने निर्णय गरेको हो।

संघका अध्यक्ष तथा एन्फाका केन्द्रीय सदस्य टीका लामाले मंगलवार पत्रकार सम्मेलनमार्फत प्रतियोगिताको तयारी पूरा भएको जानकारी दिएका हुन्। “पहिले पुरुष प्रतियोगिता गर्दै आएका थियौं। अब महिला खेलाडीहरूलाई राष्ट्रिय स्तरमा खेल्ने प्लेटफर्म दिनका लागि महिला गोल्डकप सुरु गर्न लागिएको हो,” अध्यक्ष लामाले भने।

वैशाख १९ गतेदेखि सुरु हुने प्रतियोगिता हेटौंडा–६ स्थित स्थिर गौरीटार रंगशालामा सञ्चालन हुनेछ। प्रतियोगितामा ३ वटा विभागीय टोली (एपीएफ, नेपाल प्रहरी क्लब र त्रिभुवन आर्मी क्लब) र ५ वटा जिल्ला टिम (मकवानपुर, चितवन, सर्लाही, रौतहट, बारा) गरी जम्मा ८ टिमको सहभागिता रहनेछ।

प्रतियोगिताको विजेताले ५ लाख र उपविजेताले ३ लाख रुपैयाँ नगद पुरस्कार प्राप्त गर्ने छन्। प्रतियोगिताको सर्वोत्कृष्ट खेलाडीलाई स्कुटर, प्रत्येक खेलको प्लेयर अफ द म्याचले १० हजार रुपैयाँ र विधागत उत्कृष्ट खेलाडीहरूले २५ हजार रुपैयाँ प्राप्त गर्नेछन्।

संघका महासचिव छवि सुवेदीका अनुसार प्रतियोगिता सञ्चालनमा करीब ६१ लाख रुपैयाँ खर्च हुने अनुमान गरिएको छ। प्रायोजक संस्थाहरूको थप सहयोग प्राप्त भएमा पुरस्कार राशी अझ बढाइने पनि उनले जानकारी दिए।

पत्रकार सम्मेलनमा एन्फाकी केन्द्रीय सदस्य पेमा लामा, प्रतियोगिता संयोजक प्रताब विष्ट, जिल्ला खेलकुद विकास समिति मकवानपुरका अध्यक्ष राजकुमार मोक्तान लगायतको उपस्थिति रहेको थियो। उनीहरूले महिला फुटबलको विकासका लागि यस्तो राष्ट्रिय प्रतियोगिता आवश्यक रहेको बताए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क