इन्फो नेपाल — सञ्चारको सञ्जाल

हेटौँडा अस्पतालबाट तीन महिनामा तीन हजारभन्दा बढी बिरामी अन्यत्र रिफर

हेटौँडा | मकवानपुरको प्रमुख स्वास्थ्य संस्था मदन भण्डारी स्वास्थ्य विज्ञान प्रतिष्ठान अन्तर्गत सञ्चालित हेटौँडा अस्पतालबाट अन्य अस्पतालहरूमा बिरामी रिफर हुने संख्या उल्लेखनीय देखिएको छ। पछिल्ला तीन महिनाको तथ्यांकले यस अस्पतालले अझै गुणस्तरीय सेवा दिन नसकेको स्पष्ट संकेत गरेको छ।

अस्पतालका मेडिकल रेकर्डरहरूसँग उपलब्ध तथ्यांकअनुसार, बैशाख महिनामा २ हजार ८३ जना बिरामी, जेठ महिनामा १ हजार १९५ जना र असार महिनामा १ हजार २४ जना बिरामीलाई उपचारका लागि अन्य अस्पतालमा पठाइएको छ। तीमध्ये धेरै बिरामी चितवन र काठमाडौँस्थित प्रतिष्ठित अस्पतालहरूमा उपचारका लागि गएका थिए।

यस तथ्यांकले हेटौँडा अस्पतालले सेवाको दायरा बिस्तार गरेको भए पनि गुणस्तरीय सेवा उपलब्ध गराउन अझै चुनौतिहरू रहेको पुष्टि गर्छ।

यो अवस्था साक्षी पोलिङ एण्ड एनालिटिक्सले हेटौँडामा गरेको क्षेत्रीय सर्वेक्षणका नतिजासँग पनि मेल खान्छ। उक्त सर्वेक्षणमा अस्पतालको सेवा कहिल्यै प्रयोग नगरेको १८ प्रतिशत सर्वेक्षण सहभागीहरूले बताएका छन्।

अस्पताल नजानुको कारणबारे गरिएको सोधपुछमा, १७ प्रतिशतले व्यक्तिगत रुचि वा प्राथमिकता रहेका कारण अन्य अस्पताल रोज्ने बताए। त्यसैगरी, १४ प्रतिशतले हेटौँडा अस्पतालको सेवा गुणस्तर पर्याप्त नभएको ठानेर अन्यत्र जान मनसाय गरेका थिए। त्यस्तै, १७ प्रतिशतले हाल सेवा आवश्यक नपरेको भन्दै अस्पताल नजाने बताएका छन्।

सर्वेक्षणले अस्पतालको सेवा प्रणालीमा रहेका कमजोरीहरू पनि उजागर गरेको छ। करिब ५६.८० प्रतिशत सेवा उपभोक्ताले अस्पतालमा उपचार पाउन औसतमा ४५ मिनेटभन्दा बढी कुर्नुपर्ने अनुभव व्यक्त गरेका छन्।

यद्यपि, अस्पतालको सेवा प्रवाह र प्रशासनमा सुधार आवश्यक रहेको सर्वेक्षणका तथ्यांकले देखाएको छ। सेवा प्रवाह र प्रशासन सुधारको मागमा क्रमशः ७९.८० र ७२ प्रतिशतले सुधार हुनुपर्ने बताएका छन्।

विशेषज्ञ चिकित्सकको कमी, अत्याधुनिक उपकरणको अभाव र कमजोर व्यवस्थापनका कारण बिरामीहरूलाई समयमै गुणस्तरीय सेवा नपुगेको र अन्य अस्पतालमा रिफर हुन बाध्य भएको विश्लेषकहरूले औंल्याएका छन्।

अस्पताल प्रशासनले भने गुणस्तरीय सेवा सुनिश्चित गर्न र बिरामीको संख्या घटाउन विभिन्न सुधारका कार्यक्रम र पहलहरू अगाडि बढाइरहेको जनाएको छ। आगामी दिनमा थप विशेषज्ञ चिकित्सक ल्याउने, उपकरणहरू थप संकलन गर्ने र व्यवस्थापन प्रणाली सुधार गर्ने तयारी भइरहेको छ।

यसरी अस्पतालको सेवा स्तर उकास्न पहल भइरहेका बेला, बिरामी तथा स्थानीयवासीहरूले समेत स्वास्थ्य सेवा प्रणालीको सुधारतर्फ सकारात्मक अपेक्षा राखेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क