इन्फो नेपाल — सञ्चारको सञ्जाल

हेटौँडा सडक विस्तार कार्य रोकियो

हेटौँडा  |  हेटौँडा सडक विस्तार कार्य सर्वोच्च अदालतको अल्पकालीन अन्तरिम आदेशसँगै तत्कालका लागि रोकिएको छ। सडक सीमा संरक्षण अभियानअन्तर्गत प्रकाशित सूचनाविरुद्ध दायर रिटमाथि सुनुवाइ गर्दै अदालतले शुक्रबार तत्काललाई विस्तार रोक्न आदेश दिएको थियो। उक्त आदेश आइतबार दिउँसो १२:४६ बजे सडक डिभिजन कार्यालय हेटौँडामा दर्ता भएपछि विस्तारको कार्य रोकिएको हो ।

सडक डिभिजन हेटौँडाका प्रमुख गुरुप्रसाद अधिकारीका अनुसार आइतबार दिउँसो १ बजेदेखि बाँकी संरचनामा डोजर चलाउने तयारी थियो। आदेश आधिकारिक रूपमा आएपछि विस्तार कार्य रोकिएको र अब मंसिर २६ गते हुने छलफलपछि मात्र अगाडिको निर्णय हुने उनले बताए।

रिट पूर्व सांसद विन्दबासिनी कंसाकारसहितले मंसिर १६ गते दायर गरेका थिए । न्यायाधीश मेघराज पोखरेलको एकल इजलासले प्रारम्भिक सुनुवाइपछि विस्तार रोक्न अल्पकालीन अन्तरिम आदेश जारी गरेको हो। अदालतले दुवै पक्षलाई मंसिर २६ गते छलफलका लागि उपस्थित हुन भनेको छ ।

कंसाकारले आफ्नै तथा बाबुले सञ्चालन गर्दै आएको व्यवसाय सडक सीमाभित्र पर्ने भएकाले उचित मुआब्जा र क्षतिपूर्ति बिना संरचना भत्काउन खोजिएको दाबी गर्दै रिट दायर गरेकी हुन्। उनीहरूको परिवारको संरचना २५ गजभित्र पर्न जाने उल्लेख छन्।

यद्यपि सर्वोच्चले शुक्रबार नै आदेश जारी गरे पनि सडक डिभिजनले शनिबार बिहानैदेखि सडक सीमा भित्रका करिब ५१० संरचना भत्काएको जनाएको छ। काम रोकिएपछि अब सडक विस्तार पुनः सुरु हुने–नहुने विषय मंसिर २६ को अदालत छलफलपछि मात्र टुंगिनेछ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क