इन्फो नेपाल — सञ्चारको सञ्जाल

हेटौंडा- २ बालमैत्री स्थानीय शासनयुक्त वडा घोषित

हेटौंडा | हेटौंडा उपमहानगरपालिकाको वडा नं. २ लाई बालमैत्री स्थानीय शासनयुक्त वडाको रूपमा घोषणा गरिएको छ। शनिवार एक समारोह बीच हेटौंडा उपमहानगरपालिकाको वडा नं. २ लाई बालमैत्री स्थानीय शासनयुक्त वडाको रूपमा घोषणा गरेइको हो ।

वडा अध्यक्ष विष्णु गोपाल महर्जनले प्रस्तुत गरेको प्रतिवेदन अनुसार, वडाले बालमैत्री स्थानीय शासन कार्यान्वयन निर्देशिका र घोषणा कार्यविधिले व्यवस्था गरेका ५१ वटा सूचकहरू र ५ वटा चरणका २८ वटा तहगत खुड्किलाहरू सफलतापूर्वक पार गरेको छ। यसमध्ये ४६ वटा सूचकहरूमा १०० प्रतिशत, ३ वटामा ९६ प्रतिशत, १ वटामा ९५ प्रतिशत र १ वटामा ९० प्रतिशत नतिजा हासिल गरिएको छ।

वडाको क्षेत्रफल २.३३ वर्ग किलोमिटर रहेको छ र यहाँको कुल जनसंख्या ८ हजार ९२५ रहेको छ, जसमध्ये १ हजार ८११ जना १८ वर्षमुनिका बालबालिका छन्। वडामा १ सामुदायिक र २ संस्थागत गरी जम्मा ३ वटा बालविकास केन्द्र सहितका विद्यालयहरू सञ्चालनमा रहेका छन्।

बालमैत्री अभियान अन्तर्गत वडामा १९ वटा बालसमूह र १ वडास्तरीय बालसमूह सञ्जाल गठन गरिएको छ, जसमा ४ सय ७५ जना बालबालिकाहरू आबद्ध छन्। विभिन्न संरचनागत समितिहरूमा १४ जना गरी जम्मा ४ सय ८९ जना बालबालिकाहरूको प्रत्यक्ष सहभागिता रहेको छ।

वडाले बालमैत्री स्थानीय शासन घोषणा पश्चात् दिगोपनाका लागि आर्थिक वर्ष २०८०/८१ देखि २०८४/८५ सम्मको पञ्चवर्षीय रणनीतिक योजना तयार गरी कार्यान्वयनका लागि पारित गरेको छ।

समारोहमा नगर प्रमुख मिना कुमारी लामा प्रमुख अतिथिको रूपमा उपस्थित थिइन्। उनले बालमैत्री स्थानीय शासन अभियानको महत्व र यसको दिगोपनाको आवश्यकतामाथि जोड दिइन्।

यो घोषणासँगै हेटौंडा-२ निकृष्ट बालश्रम मुक्त, बालविवाह मुक्त र बालमैत्री स्थानीय शासनयुक्त वडाको रूपमा स्थापित भएको छ। यसले वडामा बालअधिकारको सुनिश्चितता र बालबालिकाको सर्वाङ्गीण विकासमा महत्वपूर्ण योगदान पुर्याउने अपेक्षा गरिएको छ।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क