इन्फो नेपाल — सञ्चारको सञ्जाल

होटल र पर्यटन व्यवसायबाट संसद् सम्मको यात्रा: मकवानपुर–२ का युवा उम्मेदवार प्रशान्त उप्रेती

हेटौँडा | मकवानपुर–२ बाट प्रतिनिधिसभा चुनावमा पहिलोपटक उम्मेदवार बनेका २५ वर्षीय युवा पर्यटन उद्यमी प्रशान्त उप्रेती युवा नेतृत्व, स्थानीय विकास र आर्थिक एजेन्डासहित चुनावी मैदानमा प्रवेश गरेका छन्। होटल र पर्यटन क्षेत्रमा अनुभव राख्ने उनी स्थानीयस्तरमा परिचित हुन् र युवा उमेरमै व्यवसायिक सफलता हासिल गरेका छन्।

१० जेठ २०५७ मा मकवानपुरमा जन्मिएका प्रशान्तले पर्यटन व्यवस्थापनमा स्नातक गरेका छन् र हाल प्रशासनमा स्नातकोत्तर अध्ययनरत छन्। राजनीतिमा प्रवेश गर्ने कारणबारे उनले बताए, “हामीले हिजो सामाजिक मुद्दामा आवाज उठायौं, विकृति विरुद्ध प्रश्न गर्‍यौं। तर जब ती प्रश्नहरू अनुत्तरित रहे, मलाई महसुस भयो कि केवल प्रश्नले काम हुँदैन, अब आफैँ उत्तर बन्नुपर्छ।”

प्रशान्तको मुख्य एजेन्डा पर्यटन र आर्थिक विकास, स्थानीय समुदायको सशक्तीकरण, र राज्य संरचनाको सुधारमा केन्द्रित छ। उनले चित्लाङ, मार्ख, राकसिराङ हुँदै पर्सा वन्यजन्तु आरक्षसम्मको टुरिजम करिडोरमार्फत ग्रामीण क्षेत्रको गरिबी निवारण सम्भव हुने बताउँछन्। उनी ग्रामीण पर्यटन, कृषि पर्यटन, जातीय घरवास पर्यटन र मानव–वन्यजन्तु द्वन्द्व समाधानलाई आफ्नो प्राथमिकतामा राखेका छन्।

उनको दृष्टिकोण अनुसार, केवल सडक र पुल निर्माणले मात्र विकास हुँदैन। “राज्यका संरचनाहरू बलियो हुनु प्राथमिक सर्त हो,” उनी भन्छन्। प्रशान्त संसद्मा गन्ती मात्र पुर्‍याउने नभई जनभावनाको प्रतिनिधित्व गर्दै गुणस्तरीय कानुन निर्माण र सरकारको निरन्तर निगरानीमा जोड दिन इच्छुक छन्।

चुनावी विश्लेषणअनुसार, मकवानपुर–२ मा प्रशान्तले पुराना र स्थापित नेतासँग प्रतिस्पर्धा गर्नु पर्नेछ। यस क्षेत्रमा निवर्तमान सांसद महेश बर्तौला, पूर्वमेयर लवसेर विस्‍ट, कांग्रेसका बुद्ध लामा लगायत २१ जना उम्मेदवार छन्। तर युवा र ताजा अनुहार, पर्यटन र आर्थिक एजेन्डामा अनुभव, तथा सीमान्तकृत समुदायप्रति प्रतिबद्धताका कारण प्रशान्त अरू उम्मेदवारभन्दा फरक देखिन्छन्।

प्रशान्तको उम्मेदवारीले युवा वर्ग, स्थानीय उद्यमी र पर्यटन क्षेत्रमा काम गर्ने व्यक्तिहरूमा उत्साह थपेको छ। उनी आफ्नो अभियानमा राज्यको नीतिसँग नागरिकको जीवन सहज हुने विश्वास लिएर अघि बढेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क