इन्फो नेपाल — सञ्चारको सञ्जाल

अत्यधिक गर्मीका कारण नवलपुरका पाँच पालिकामा विद्यालय बन्द

नवलपुर | नवलपुरमा पछिल्ला दिनमा अत्यधिक गर्मी बढ्दै गएपछि जिल्लाका पाँच स्थानीय तहले विद्यालय र शैक्षिक संस्थामा अस्थायी रूपमा बिदा दिएका छन्। तराई क्षेत्रका पालिकाहरूले लगातार बढ्दो तापक्रमले बालबालिकाको स्वास्थ्यमा गम्भीर असर पर्न सक्ने भन्दै यस्तो निर्णय लिएका हुन्।

हाल नवलपुरमा न्यूनतम तापक्रम २९ डिग्री सेल्सियस पुगेको छ भने अधिकतम तापक्रम ३९ देखि ४० डिग्री सेल्सियसबीच पुगेको छ। स्थानीय बासिन्दाले दिउँसो सडकमा हिँड्नै मुस्किल हुने गर्मी महसुस गरिरहेका छन्।

गर्मीको जोखिमलाई ध्यानमा राख्दै गैडाकोट नगरपालिकाले बुधबारदेखि तीन दिन विद्यालय बन्द गर्ने निर्णय गरेको छ। यसैगरी, कावासोती नगरपालिकाले पनि बुधबार सूचना जारी गर्दै बिहीबार र शुक्रबार दुई दिनको लागि विद्यालय बिदा दिने जनाएको छ।

विनयी त्रिवेणी गाउँपालिकाले समेत भोलि र पर्सी (बिहीबार र शुक्रबार) दुई दिनका लागि विद्यालय बन्द रहने सूचना सार्वजनिक गरेको छ।

त्यस्तै, मध्यविन्दु र देवचुली नगरपालिकाले विद्यालयहरूको अवस्थाअनुसार ‘अनुकुलतामा विद्यालय बन्द गर्न सकिने’ सूचना सार्वजनिक गरेका छन्।

गर्मीको चापले साना बालबालिका, वृद्धवृद्धा र बिरामीहरू सबैभन्दा बढी प्रभावित हुने भएकाले पालिकाहरूको यो निर्णय स्वागतयोग्य भएको अभिभावकहरूले बताएका छन्। अत्यधिक तापक्रमले डिहाइड्रेसन, लु लग्ने, टाउको दुख्ने, आँखा पोल्ने लगायतका स्वास्थ्य समस्या निम्त्याउने डाक्टरहरूले चेतावनी दिएका छन्।

स्थानीय सरकारहरूका लागि वातावरणीय चुनौतीसँग जुध्दै शिक्षामा निरन्तरता दिने द्विविधा सिर्जना भएको छ। तर तत्कालको सुरक्षालाई प्राथमिकता दिँदै विद्यालय बन्द गर्नु विवेकसम्मत निर्णय मानिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क